AM:11:16:27/12/2021
772 جار خوێندراوەتەوە
+
-
لدویف زانیاریێن نووچەگەهانێ ئێن ئاڕ تی ل باژێرێ بەغدا یا پایتەخت چەند هێزێن ئەولەکاری ل چەند دەڤەرێن جودا جودا هاتینە بەلاڤکرن، بتایبەتی، ل دەڤەرا کەسک.
ئەڤرۆ دووشەمبی، نووچەگەهانێ ئێن ئاڕ تی ل باژێرێ بەغدا ئەشکەراکر، تەڤایا رێیان و زالگەهێن وەزیر و پرا بنوک ب ئاراستەیا جاددەیا قاهیرە و زالگەهێن جاددەیان فەلەستین و یاریگەها شەعب و مەنسور و کەڕادە ب ڕوویێ وەلاتی و شۆفێراندا هاتنە دائێخستن.
ئاماژە ب وێیەکێ کر، پتریا وان زالگەهێن ئەولەکاری هاتینە دانان حەتا رێکێ ب وەلاتیان نادن ب پیادە ژی هاتن و چوونێ بکەن.
بەحسا وێیەکێ ژی کر، ژبلی هێزێن ئەولەکاری پشکەک ئارتێش و دەزگەهێن هەوالگێری ژی د زالگەهاندا هاتینە دانان.
دیارکریە، گرتنەبەرا ڤان رێکارێن ئەمنیێن توند ب چەند دەمژمێران بەری ڕاگەهاندنا داوی بڕیار دادگەها بلند دەربارەی ئەنجامێن هەلبژارتنێن بەروەختێن پەرلەمانێ عێراقێ.
ئەڤە ددەمەکیدایە، ل دەمێ دەربازبووی کۆمسیۆنا بلندا سەربەخۆیا هەلبژارتنێن عێراقێ دوای ئەنجامێن هەلبژارتنێن بەروەختێن پەرلەمانی ڕاگەهاندن، ئەنجام هاتینە رەوانەکرن بۆ دادگەها بلند بۆ پەسەندکرنا وان. هەڤدەم، ئەو هێزێن نکارین سەرکەفتنێ ب دەست بینن چەندین جاران خۆپێشاندان ئەنجامداینە و ئەنجامێن وانا رەتکرینە و چەندین تانە لێ گرتینە و پێشبینی دهێتە کرن ل دەمێ ڕاگەهاندنا پەسەندکرنا ئەنجامان ژ ئالیێ دادگەهێ بەلاڤە ب خۆپێشاندانان بکەن، ژبەروکو بەریا نها گەف لێ هاتبوونە کرن.