PM:05:03:25/12/2021
1088 جار خوێندراوەتەوە
+
-
ژێدەرەکێ ئەولەهیێ ل
پارێزگەها موسل ڕاگەند، لێکدان دناڤبەرا دوو تڕۆمبێلاندا چێبوو لسەر ڕێکا دناڤبەرا
هەردوو ناحیێن زوممار و ڕەبیعە ل ڕۆژئاڤایا پارێزگەها موسل ڕویدایە، و ب وێ سەدەمێ
ژی چارکەسان ژیانا خۆ ژدەستدا.
ئەڤرۆ چارشەمبی، ژێدەرەکێ
ئەولەهیێ ژ پارێزگەها موسل بۆ میدیایێن ناڤخۆیێن عێراقێ ڕاگەهاند، لێکدان دناڤبەرا
دوو تڕۆمبێلان دا لسەر رێکا دناڤبەرا هەردوو ناحیێن زوممار و رەبیعە ل ڕۆژئاڤایێ
پارێزگەها موسل ڕویدایە، و ب وێ سەدەمێ ژی چارکەسان ژیانا خۆ ژدەستدا.
ئاماژە ب وێ ژی کر،
هەمی ئەو کەسێن کو ژبەر وێ بوویەرێ ژیاناخۆ ژدەستداین، ئەندامێن ئێک خێزانن.
وی ژێدەری ئەو یەک ژی
دادیارکرن، هەیانها سەدەمێ وێ بوویەرێ نەهاتیە زانین، لێ پۆلیسێن هاتن و چوونێ
ڤەکۆلین دوێ دەربارێ دا دەست پێکرینە.
بوویەرێن هاتن و چوونێ
ب ئێک ژ سەدەمێن ژیان ژدەستدان و برینداربوون و کێم ئەندامبوونێ ل عێراقێ دهێنە
دانان، کوبەشەکی ژوان بوویەران پەیوەندی ب خرابیا جادە و کولتییا جادەیان ڤە هەیە
بەشەکێ دی ژبەر پابەند نەبوونا شۆفێران بلەزاتیا دیارکری و ڕێنماییێن هاتن و چوونێ
ڤە هەنە.