PM:09:36:05/12/2021
1836 جار خوێندراوەتەوە
+
-
وەزیرێ پێشمەرگەی ڕاگەهاند، خەلکێ کوردستانێ
پشتراست دکەین پەلامارێن چەکدارێن داعش وان ناترسینیت، دبێژیت ژی، "هەر زوو
دێ تۆلا خوینا وان شەهیدان و هەمی شەهیدێن چەند رۆژێن دەربازبووی ڤەکەین".
شۆرەش ئیسماعیل وەزیرێ پێشمەرگەیێ حکومەتا
هەرێمێ د ڕاگەهاندنەکێ دا دبێژیت، "پەلامارا وان چەکداران وان ناترسینیت
بەلکو مە پاڵ ددەت لسەر تێکشکاندنا هەمی تیرۆرستێن داعش ل دەڤەرێ".
ئاماژە ب وێیەکێ ژی کر، "هەر زووی دێ
تولا خوینا وان شەهیدان و هەمی شەهیدێن چەند رۆژێن دەربازبووی ڤەکەین".
دەربارەی ئامادەکاریێن هێزێن پێشمەرگەی ژی،
شۆرەش ئیسماعیل گوت، بزاڤێن وەزارەتا پێشمەرگەی هاتینە چڕکرن و کێموکاسی و پێتڤیێن
پێشمەرگەی دێ پڕکەین.
بەحسا وێیەکێ ژی کر، دڤێت پێشمەرگە ب پلان و
تەکنیکەکا نوی و هویر "رووبروویێ تیرۆرستان ببیت و رێکێ نەدەت، جارەکا دی
وێرەکیا وێیەکێ هەبیت، نێزیکی چەپەرێن
پێشمەرگە و خەلکێ بێ تاوانێ وان دەڤەران ببیت".
ئەڤە ژی د دەمەکێ دایە،
شەڤا ٢ی ڤێ مەهێ، چەکدارێن داعش هێرشکرنە سەر گوندێ خدرجیجە ل بنارا قەرەچۆغ، د ئەنجامدا
١٣ پێشمەرگە و وەلاتی شەهیدبوون و چەند کەسێن دی ژی برینداربوون.
د شەڤا ٢٧ی مەها دەربازبووی ژی، ل ناحیا کولەجۆیا
گەرمیان داعش هێرشکرە سەر سەنگەرێن پێشمەرگەی و د دەمەکێ دا هەڤکاری بۆ هێزێن پێشمەرگەی
چوبوو بۆمبەکا چاندی ب ترۆمبێلا پێشمەرگەی ڤە تەقیا و پێنج پێشمەرگە شەهیدبوون و
چارێن دی ژی برینداربوون.
ل ٢٩ی مەها دەربازبووی ژی دا، ل سنورێ کفری ژ
ئالیێ چەکدارێن داعش ڤە هێرشی سەر هێزێن پێشمەرگەی هاتەکرن و د ئەنجامدا دوو پێشمەرگەی
شەهیدبوون و سێ پێشمەرگەیێن دی ژی برینداربوون.