PM:07:42:05/12/2021
360 جار خوێندراوەتەوە
+
-
نوینەرێ هەرێما
کوردستانێ ل فەرماندەیا هێزا هەڤبەشێن عێراقێ ڕاگەهاند، هەردوو وەزارەتێن پێشمەرگەی
و وەزارەتا بەڕەڤانیا عێراقێ، لهەڤهاتن لسەر وێ چەندێ کو بلەز هەرچیێا پیتڤیە بۆ چارەسەرکرنا
ئاریشێن ئەولەهیا دەڤەرێن کوردستانی بهێنە ئەنجامدان. دبێژیت ژی، " دێ هێزێن زێدەتریێن
هەڤبەش ل وان دەڤەران هێنە جێگرکرن".
ئەڤرۆ ئێکشەمبی،
عەبدولخالق تەلعەت نوینەرێ هەرێما کوردستانێ ل فەرماندەیا هێزێن هەڤبەشێن عێراقێ بۆ
ڕوپەلێ فەرمیێ پارتی ڕاگەهاند، هەردوو وەزارەتێن پێشمەرگەی و وەزارەتا بەرگەریا عێراقێ
ڕێکەفتن کو چیا پێتڤیە بلەز بۆ وان دەڤەران بهێتە کرن و هەردوو ئالیێن ئۆپەراسیونا
هەڤبەش بۆ نەهێلانا داعشێ ل وان دەڤەران ئەنجام بدەن.
ئاماژە ب وێ ژی دا، بتایبەت
ئەو دەڤەرێن کو ڤالاهیا ئەولەهیێ هەیە، ژبەرکو ل وان دەڤەران زێدەتر لڤینێن داعشێ هەنە.
عەبدولخالق تەلعەتی ئاماژە ب وێ ژی دا، بڕیار
هاتەدان چ پێتڤیە بۆ ڕووبڕووبونا داعشێ لسنورێ دیالا و کەرکوکێ وەکی قۆناغا ئێکێ
بهێتە کرن.
گۆت ژی، دێ ئۆپەراسیونا هەڤبەش بۆ پاقژکرنا
وان دەڤەرا ئەنجام دەین، ژبەر هندێ ژی هەمی کار دێ هێنەکرن ژبۆی کو ڕێگریێ ل
هێرشین داعشێ بۆ سەر وان دەڤەران بگرن، ژبەرکو دەمەکە هێرش و بزاڤێن داعشێ لسەر
وان دەڤەران زێدەکریە.
بەحسا وێیەکێ ژی کر، ئەو کارە بلەز دێ
هێنەکرن هەیاکو هێزێن هەڤبەش ل وان دەڤەران بهێنە جێگرکرن، وی دەمی دێ هێزێن
هەڤبەش ل وان دەڤەران هێنە جێگر کرن، ل وی دەمی هێزێن هەڤبەش دێ وان دەڤەران پارێزن.
ئەڤە د دەمەمکیدایە، شەڤا ٢ێ ڤێ مەهێ، چەکدارێن
داعشێ هێرش کرە سەر گوندێ خدرجیجە ل بنارێ قەرە چووخ، د ئەنجامدا ١٣ پێشمەرگە و وەلاتی
شەهید بوون و چەند کەسێن دی ژی بریندار بوون.
دوهی ژی، فەرماندێ ئۆپەراسیونا هەڤبەشێن عێراقێ
ڕاگەهاند، دگەل هێزێن پێشمەرگەی لهەڤهاتینە لسەر هەوالگری و زێدەکرنا هەڤکاریان
دناڤبەرا وان هێزاندا، هەڤدەم، وەزارەتا پێشمەرگەی گۆت، "ژ سپێدێ وەرە ئەم
پلانان دا دنێین هەیاکو ئۆپەراسیونا هەڤبەشا دژی داعشێ بهێتە ئەنجام دان.