PM:03:39:05/12/2021
188 جار خوێندراوەتەوە
+
-
کچەکا بەریتانی
ڕاگەهاند، پشتی کو چەکدرێن داعشێ ل سالا ٢٠١٤ ێ ل سوریا بابێ وێ کوشتی، شیایە جهێ گۆڕێ
بابێ خۆ دەستنیشان بکەت.
بیسانا هێنزا ٢٤ سال ،
کچا دەیڤدی کو کارمەندێ هاریکاری و هەماهنگیا نێڤدەولەتی بوو بەحسا وێیەکێ کر، وی
دەمێ بابێ وێ ژئالێ چەکدارێن داعشێ ڤە هاتیە کوشتن چ زانیاری نەبووینە تەنانەت
لسەر وێ چەندێ ژی کا سۆریا دکەڤیتە کیڤە، لێ نها پشتی لدیڤ چوونێ شیایە جھێ
ڤەشارتنا تەرمێ بابێ خۆ دیاربکەت.
بیسانێ بەحسا وێیەکێ
ژی کریە، وێ مفا ژ زانیاریێن پۆلیسێن دەڤەرێ وەرگرتینە دگەل ئاخفتنێن چەند بارمتەیێن
دیێن داعشێ و دان پێنانا چەند چەکدارێن دی و شیایە گۆڕێ بابێ خۆ دەستنیشان بکەت.
دبێژیت ژی، گۆڕێ بابێ
وێ دکەڤیتە نزیک پارێزگەها رەقە یا سوریا.
ئاشکەرا ژی کریە،
بزاڤێ دکەت تەرمێ بابێ خۆ بزڤڕینیت بۆ بەریتانیا و دنهادا چنەمایە بەرسڤا هەمی وان
پسیاران ببینیت یێن کو پێشتر هەبووینە.
ئاماژە ب وێ ژی کریە، وەزارەتا دەرڤەیا وی ولاتی وەکی پێتڤی
هاریکاریا وێ نەکریە، دبێژیت ژی، "وان هەمی ئەو زانیاری ل دەف هەبووینە کو
دڤیان لێ ئامادە نەبووینە هاریکاریێ لێ بکەن و بدەنێ".
دبێژیت ژی، بڕیارە
بچیتە سوریا بزیترین دەم هەیاکو بکایت
تەرمێ بابێ خۆ ببینیت و بزڤڕینیت بۆ ئاخا ولاتێ وی.