داوی زانیاری دەربارێ هێرشا شەڤا دەربازبوویا داعشێ بۆسەر گوندێ لهێبان

PM:03:00:05/12/2021

1196 جار خوێندراوەتەوە

+ -

ئاکنجیێن لهێبان بۆ ئێن ئاڕ تی ڕاگەهاند، ئەڤە بۆ جارا چارێ یە چەکدارێن داعش هێرشێ دکەن و ئەو بخۆ بەرگریێ دگەن. دبێژیت ژی، "نە پێشمەرگە و نە سوپایێ عێراقێ هەیا نها د هەوارا وان نەچوونە".

ئەڤرۆ ئێکشەمبی، ئێک ژ بەڕەڤانێن گوندێ لهێبان بۆ ئێن ئاڕ تی ڕاگەهاند، شەڤا دەربازبووی دومژمێر ٩ و ٤٠ خولەک نزیکی ٢٥ چەکدارێن داعشێ دناڤبەرا هێزێن پێشمەرگەی و سوپایێ عێراقێ ڕا هاتینە سەر گوندێ وان.

ئاماژە بوێ ژی دایە، چەکدارێن داعشێ بزاڤ کرنە بهێنە دناڤا گوندێ وان لێ وان بەرەڤانی کریە و ڕیکنەدایە بهێنە دناڤا گوندێ وان دا.

دەربارێ دەمێ وی شەری، وی بەرگری کارێ گوندی بەحسا وێیەکێ کر، ل دەمژمێر ٩و ٤٠ خۆلەکێ شەڤێ هەیا دەمژمێر ٣ یێ دەرەنگیێن شەڤێ بەرگری کریە و شەر بەدەوام بوویە.

دەرباری دهەوارچوونا وان ژئالیێ پیشمەرگەی و سوپایێ عێراقی ڤە ئاشکەرا کر، پەیوەندی بهێزێن پێشمەرگەی کریە، لێ نە پێشمەرگە و نەسوپا دهەوارا وان نەچووینە.

وی بەرگری کار ی گۆت ژی. گوندێ وان ل دەەسپێکێ ٦٠ مال بوون، لێ نها بتنێ نزیکی ١٠ مالان لێ ماینە یێن دی ژی بزاڤان دکەن بچن و گوندی چۆلبکەن.

بەرگریکارەکێ دیێ وی گوندی بۆ ئین ئاڕ تی ڕاگەهاند، "مەپێتڤی ب وێ چەندێ هەیە هێزێن پێشمەرگەی دهەوارا مە بهێن، ژبەرکو مە چەند شیایە مە بەرگری کریە، لێ ژڤێ زێدەتر نکارین چ بکەین".

گۆت ژی، وان شەڤا دەربازبووی بەرگری کریە هەیا ڕێکێ نەدەن چەکدارێن داعشێ بهێنە دناڤا گوندێ وان دا، ژبەرکو نکارن دناڤ ژن و زارۆکێن خۆ شەڕی بکەن. گوتژی، چەند جاران چەکدارێن داعشێ هاتینە دناڤا گوندی دا و پسیارا چەند کەسەکان کریە لێ نەکاریە دەستەسەر بکەن و دگەل خۆ ببەن.

ئەو یەکژی دا دیارکرن، ژبەر هێرشێن چەکدارێن داعش، ژیانا وان زەحمەت بوویە و زەرەر ب کشتوکالا گوندێ وان کەفتیە.

گۆتژی، مە پێشمەرگە ئاگەهدار کرنە هەیا کو بهێن و دگەل مە بەرگریێ ل گوندی بکەین لێ هەیا نها د هەوارا مە نەهاتنە.

دەربارێ سوپایێ عێراقێ ژی گۆت، "هەرچەندە هێزێن سوپایێ عێراقێ نزیکن ژمە لێ هەیانها دهەوارا مە نەهاتنە".

ئەڤرۆژی، فەرماندەیێ ئۆپەڕاسیۆنێن هەڤبەشێن عێراقێ ڕاگەهاند، دگەل هێزێن پێشمەرگەی لهەڤهاتنە لسەر کارێ هەوالگری و زێدەکرنا دناڤبەرا هێزاندا، هەڤدەم، وەزارەتا پێشمەرگەی ژی گوت، "ژ سپێدێ وەرە پلان دهێتە دانان هەیا کو ئۆپەڕاسیۆنا هەڤبەش دژی داعش بهێتە ئەنجامدان".

ئەڤە ژی د دەمەکێ دایە، شەڤا ٢ی ڤێ مەهێ، چەکدارێن داعش هێرشکرنە سەر گوندێ خدرجیجە ل بنارا قەرەچۆغ، د ئەنجامدا ١٣ پێشمەرگە و وەلاتی شەهیدبوون و چەند کەسێن دی ژی برینداربوون.