AM:11:49:05/12/2021
564 جار خوێندراوەتەوە
+
-
وەزارەتا کارەبا هەرێمێ ڕاگەهاند، بسەدەمێ زێدەبوونا خاستی لسەر کارەبێ بۆ شەش هزار مێگاواتا و هاتنا پێلەکا سەرمایێ، دەمێ پێدانا کارەبێ بۆ ١٠-١٢ دەمژمێران کێمبوویە.
ئەڤرۆ ئێکشەمبی، وەزارەتا کارەبا هەرێمێ د ڕاگەهاندنەکێدا ئاماژە ب وێیەکێ کر، "وەلاتیێن کوردستانێ هایدار دکەین کو بسەدەمێ زێدەبوونا خاستی لسەر کارەبێ بۆ ٦٠٠٠ هزار مێگاواتان و هاتنا پێلەکا سەرمایێ، دەمێ پێدانا کارەبێ بۆ ١٠-١٢ کێمبوویە".
ئاماژە ب وێیەکێ کریە، د نهادا شیانێن بەرهەمئینانا کارەبێ بۆ هەڤپشکێن کارەبێ دوو هزار و ٨٠٠ مێگاواتن.
راگەهاندنێ ئاماژە ب وێیەکێ ژی کریە، وەزارەتا کارەبێ بۆ ڤەگەڕاندنا دوو یەکەیێن ویستگەهێن هەلمێ یا خەبات دکەت و هەیا داویا ڤێ مەهێ ٣٠٠ مێگاواتێن کارەبێ بۆ ناڤ تۆڕا نشتیمانی یا کارەبێ ڤەدگریت و هەیا ئاستێ رەوشا کارەبێ باشتر دبیت.
ئەڤە ددەمەکیدایە، ل دەمێ ٣٠ سالێن حوکمرانیا دەستهەلاتا ئێکەتی و پارتی ئاریشەیا کارەبێ چارەسەر نەکریە و مایە ئێک ژ ئاریشەیێن سەرەکیێن وەلاتیانە، ددەمەکیدا بەردەوام بەرپرسێن حوکمی و حزبی ل کابینەیێن ئێک لدویف ئێکێن حکومەتا هەرێمێ مزگینیا چارەسەریێ ددەن و چ پێنگاڤەکا کریاری ژی نا هاڤێژن.