AM:09:55:05/12/2021
424 جار خوێندراوەتەوە
+
-
ئاژانسا ئیدارەیا کارەساتێن ئەندنۆسیا ڕاگەهاند، بسەدەمێ تەقینا ڤۆلکانا سیمیرۆ ل رۆژهەلاتا جاوە ب وی سەدەمی ١٣ کەسان ژیانا خۆ ژ دەستدایە و هژماریەکا دی ژی برینداربوون.
ئەڤرۆ ئێکشەمبی، عەبدولمەهاری پەیڤدارێ ئاژانسا ئیدارەیا کارەساتێن ئەندنۆسیا بۆ ئاژانسا فرانس پرێس ڕاگەهاند، ژ ئەنجامێ تەقینا ڤۆلکانا سیمیرۆ هەیا نها ١٣ وەلاتیێن وی وەلاتی ژیانا خۆ ژ دەستدا.
ئاماژە ب وێیەکێ ژی کر، تیمێن هەوار هاتنێ چەند تەرمێن دی ژی دیتینە و پتر ژ ١٠ کەسێن دی رزگارکرینە کو ب سەدەمێ ڤۆلکانێ ئاسێبووینە.
ئەڤە ددەمەکیدایە، رۆژا شەمبی ڤۆلکانا سیمیرۆ ل رۆژئاڤایێ جاوە ل وەلاتێ ئەندنۆسیا تەقیە و ب وی سەدەمی ١٠ کەسان ژیانا خۆ ژ دەستدا و دەهێن دی ژی برینداربوون و هژمارەیەکا زێدەیا خەلکی مالێن خۆ چۆلکرن.