PM:04:48:24/11/2021
620 جار خوێندراوەتەوە
+
-
نووچەگەهانێ ئێن ئاڕ تی
ڕاگەهاند، "د خۆنیشاندانا سەرایا ئازادیا سلێمانیێ دا خواندەکارەک ب گولەیێ
برینداربوو".
ئەڤرۆ چارشەمبێ،
نووچەگەهانێ ئێن ئاڕ تی ڕاگەهاند، "دخۆنیشاندانا سەرایا ئازادی یا سلێمانیێ
دا خواندەکارەک ب گولەیەکێ برینداربوو و د نها دا بۆ وەرگرتنا چارەسەریێ ل
نەخۆشخانەیێ یە".
گوت ژی، "گەنجێ
برینداربووی خواندەکارە و ژیێ وی ٢١ سالە و گولە بەر پیێ وی کەفتیە و ژبوی
چارەسەرکرنێ گەهاندینە نەخۆشخانەیێ و ڕەوشا وییا ساخلەمیێ جێگرە".
بۆ دەما چار رۆژانە خۆنیشاندانا
نەرازیبوونا خواندەڤانێن زانکۆ و پەیمانگەهان ژبوی پێدانا دەرمالەیێن خۆ دژی
نەبوونا خزمەتگۆزاریان بەردەوامی هەیە و هێزێن ئەولەهیێ ژی بۆ بەلاڤکرنا
خۆنیشاندەران دارێن کارەبێ و گازا رۆندکرێژ بکارئیناینە و ب وێ سەدەمێ ژی چەندین
خۆنیشاندەر برینداربووینە.
دوهی ژی، هێزێن ئەولەهیێ
نەبتنێ دارێن کارەبێ و گازا رۆندکرێژ، بەلکۆ تەقەژی بسەر خۆنیشاندەران دا کرن ل
سلێمانی و دهۆکێ ژی ب هێزێ خۆنیشاندەر ژێک بەلاڤکرن.
وەکی بزاڤەکێ ژی بۆ
نەهێلانا خۆنیشاندەران ل هەر ئێک ژ زانکۆیێن، سلێمانیێ، پۆلیتەکنیکیا سلێمانیێ،
هەلەبجە و راپەڕین دەواما خواندەکاران بۆ دەما دوو رۆژان ڕاگرت و بەشێن ناڤخۆی ژی
داخستن.
ئەڤرۆ ژی زێدەباری وێیەکێ
خۆنیشاندانا زانکۆیا سلێمانیێ هێمنانەبوو لێ هێزێن ئەولەهیێ گازا رۆندکرێژ دژی
خواندەکاران بکارئینا و ب وێ سەدەمێ ژی ڕەوشا ساخلەمیا بەشەک ژ خواندەکاران
تێکچوو.
کارزان تارق، سلێمانی
