PM:04:30:24/11/2021
544 جار خوێندراوەتەوە
+
-
نها ل باژێرێ سلێمانیێ و لبەر دەرکی سەرا هێزێن ئەولەهیێ رووبروویێ
خۆنیشاندەران بوون و گازا رۆندکرێژ لهەمبەر وان بکار ئینان و تەقەیێ ل وان دکەن.
بەشەک ژ خواندەکار و وەلاتیان دژی نەبوونا خزمەتگۆزاریان لسەرایا
ئازادی ل باژێرێ سلێمانیێ خڕڤەبوون و هێزێن ئەولەهیێ ژی رووبروویێ وەلاتیان بوون و
گازا رۆندکرێژ و گولە دژی وان بکار ئینان.
هەڤدەم، ل گۆرەی زانیاریان ل ناحیا
پیرەمەگروون ژی خۆنیشاندەران ئاڤاهیێ پەرتوکخانا گشتی و چەند ئاڤاهیێن دی یێن
حکومی شەوتاندن.
بۆ دەما چار رۆژانە خۆنیشاندانا
نەرازیبوونا خواندەڤانێن زانکۆ و پەیمانگەهان ژبوی پێدانا دەرمالەیێن خۆ دژی
نەبوونا خزمەتگۆزاریان بەردەوامی هەیە و هێزێن ئەولەهیێ ژی بۆ بەلاڤکرنا
خۆنیشاندەران دارێن کارەبێ و گازا رۆندکرێژ بکارئیناینە و ب وێ سەدەمێ ژی چەندین
خۆنیشاندەر برینداربووینە.
دوهی ژی، هێزێن ئەولەهیێ
نەبتنێ دارێن کارەبێ و گازا رۆندکرێژ، بەلکۆ تەقەژی بسەر خۆنیشاندەران دا کرن ل
سلێمانی و دهۆکێ ژی ب هێزێ خۆنیشاندەر ژێک بەلاڤکرن.
وەکی بزاڤەکێ ژی بۆ
نەهێلانا خۆنیشاندەران ل هەر ئێک ژ زانکۆیێن، سلێمانیێ، پۆلیتەکنیکیا سلێمانیێ،
هەلەبجە و راپەڕین دەواما خواندەکاران بۆ دەما دوو رۆژان ڕاگرت و بەشێن ناڤخۆی ژی
داخستن.
ئەڤرۆ ژی زێدەباری وێیەکێ
خۆنیشاندانا زانکۆیا سلێمانیێ هێمنانەبوو لێ هێزێن ئەولەهیێ گازا رۆندکرێژ دژی
خواندەکاران بکارئینا و ب وێ سەدەمێ ژی ڕەوشا ساخلەمیا بەشەک ژ خواندەکاران
تێکچوو.
کارزان تارق، سلێمانی
