PM:09:44:26/07/2021
1160 جار خوێندراوەتەوە
+
-
جۆ بایدن سەرۆکێ ئەمریکا و مستەفا کازمی سەرۆکوەزیرێن عێراقێ ل کۆچکا سپێ
دجڤینێ دانە و سەرۆکێ ئەمریکا ڕاگەهاند، "پێشوازیێ ل هەلبژارتنێن عێراقێ دکەین
و ئەم پشتراستکرینە هەلبژارتن دێ د دەمێ خۆدا هێنە ئەنجامدان".
سەرۆکێ ئەمریکا د جڤینا دگەل سەرۆکوەزیرێن عێراقێ دا بەحسا وێیەکێ ژی کر،
"لدەڤ مە گەلەک گرنگە هەلبژارتنێن عێراقێ د دەمێ خۆدا بهێنە ئەنجامدان و دادپەروەرانە
بیت و دبن چاڤدێریا نیڤ دەولەتی دا بیت".
جۆ بایدن ڕاگەهاند ژی، "ئەمریکا ل سەر پشتەڤانیکرنا عێراقێ دێ
بەردەوامبیت و رۆلێ وێ دێ د بەرهەنگاربوونا داعشێ دا ل وی وەلاتی مینیت"،
دبێژیت ژی، "پێشوازیێ ل بەرەڤ پێشڤەبرنا پەیوەندیان دگەل عێراقێ دکەین".
ژ ئالێ خۆ ڤە ژی، مستەفا کازمی سەرۆک وەزیرێن عێراقێ ئاماژە ب وێیەکێ کر،
"دێ پەیوەندیێن خۆ دگەل ئەمریکا گەشترکەین د بیاڤێن ئابووری و ساخلەمی و پەروەردێ
دا".
سەرۆک وەزیرێن عێراقێ گوت ژی، "سوپاسیا ئەمریکا دکەین بۆ هەڤکاری
و پشتەڤامیێ ل خەلکێ عێراقێ"، دبێژیت ژی، "پێشوازیێ ل بەرەڤ پێشڤەبرنا
پەیوەندیێن خۆ دگەل ئەمریکا دکەین و پەیوەندیێن مە ژ دەمێ دەربازبووی
بهێزترن".
دوهی، مستەفا کازمی سەرۆکوەزیرێن عێراقێ بەرەڤ ئەمریکا رێکەفت و شەڤا
دەربازبووی گەهشتە واشنتن.