PM:09:12:26/07/2021
1312 جار خوێندراوەتەوە
+
-
سوپاسالارێ وەزارەتا پێشمەرگەی ڕاگەهاند، دناڤبەرا ناحیا خەلیفان و رووبارێ بێخمەدا ل سنورێ پارێزگەها هەولێرێ "هەژمارەکا
چەکدارێن پەکەکێ تەقە ل زالگەها پێشمەرگەی کریە و پێشمەرگەی ژی تەقە بەرامبەر
کریە"، دبێژیت ژی، "د ئەنجامێ وێ بوویەرێ دا زیان هەبووینە".
جەمال ئیمینکی سوپاسالارێ وەزارەتا
پێشمەرگەیێ حکومەتا هەرێما کوردستنانێ زەلاکرنەک بەلاڤکر و دبێژیت، " ئێڤاریا
ئەڤرۆ دووشەمبێ دناڤبەرا ناحیا خەلیفان و روویبارێ بێخمەدا هەژمارەکا چەکدارێن
پەکەکێ تەقە ل زالگەهەکا پێشمەرگەی کریە".
جەمال ئیمینکی ئاماژە ب وێیەکێ ژی کر،
"پێشمەرگەی ژی تەقە لبەرامبەر وان کریە و ل دیڤ زانیاریێن دەستپێکی د ئەنجامێ
ئەوێ بوویەرێ دا زیان هەبووینە".
رۆژا ٢٤ی مەهێ ژی، وەزارەتا پێشمەرگەی
ڕاگەهاند، "چەکدارێن پەکەکێ ل چیایێمەتینا تەقە ل هێزێن پێشمەرگەی کرن".
د دەما دەربازبووی ژیدا، چەند جاران پێکدادان
دناڤبەرا پێشمەرگەی و پەکەکێ دا روویدایە، و ژ هەردوو ئالیات شەهید و
بریندارهەبووینە و حکومەتا هەرێما کوردستانێ ژی داخازێ ل پەکەکێ کریە ئاخا هەرێمێ
بجی بهێلیت.