AM:11:36:24/08/2025
3968 جار خوێندراوەتەوە
+
-
بەغدا دەمێ مووچەیێ
هەیڤا شەش هنارت ب ئاشکرایی گوت هنارتنا مووچەیێ هەیڤێن دی بەندە ب جێبەجێکرنا
رێکەفتنا حکومەتا دەم بسەرڤەچووی لی حکومەت خۆ ڤەدزیت ل داخازیێن بەغدا، نووچەگەهانێ
ئێن ئاڕ تی ژی گوت، دوو شاندێن حکومەتا دەم بسەرڤەچووی ل بەغدا نە بۆ بریار دان ل
سەر مووچەی.
ئەڤرۆ ئێکشەمبی،
نووچەگەهانێ ئێن ئاڕ تی گوت دوو شاندێن حکومەتا دەم بسەرڤەچووی ل بەغدا نە و
بریارە ئەڤرۆ کۆمبون بهێتە کرن و بابەتێ کۆمبونێ کێمکرنا رادەستکرنا داهاتێ نافخۆ
یە.
گوت ژی، پرسا کێمکرنا
داهاتی نەپەترۆلی بۆ هەیڤا شەشە پێتیڤیە حکومەتا دەم بسەرڤەچووی ١٢٠ ملیار دینارێن
هەیڤا شەش رادەستی بەغدا بکەتن.
ئەو یەک ژی گوت، حکومەتا
دەم بسەرڤەچووی دوو شاند هنارتینە کو محەمەد کەمال وەزیرێ سامانێن سروشتی، ئاوات
جەناب وەزیرێ دارایی، ئومێد سەباح وەزیرێ دیوانا جڤاتا وەزیران و ئامانج رەحیم
سکتێرێ جڤاتا وەزیران، شاندەکن و شاندا دی ژمارەیەکا رێڤبەرێن گشتی یە ل هەر ئێک ژ
وەزارەتا دارایی و سامانێن سروشتی و دیوان چاڤدێریێ.
د کۆمبونێ دا، ژ بلی
داهاتێ نەپەترۆلی باحسا راپۆرتێن لیژەنەیێن هەڤپشک ل پرسا پەترۆلێ دێهێتە کرن و ب
بانکیکرنا مووچەی کوو مەرجێ بەغدایە بۆ خەرجکرنا مووچەی.
حەفتیا دەربازبووی
زێدەباری پێگیر نەبوونا حکومەتا دەم بسەرڤەچووی، بەغدا چەند مەرجەک بۆ هنارتنا مووچەی
دەرکرن:
ئێکەم، ئەو لیژنەیێن هەڤبەشێن
د کۆمببونا ١٧ـێ تەمموزێ هاتبوونە پێکئینان د هەیاما ئێک حەفتی دا کۆنڤیسێن خۆ ب
ئیمزا کری بۆ جڤاتا وەزیران بەرهەڤ بکەن.
دوویەم، پێگیر بوونا
کۆمپانیین بەرهەئینانا پەترۆلێ ب رادەستکرنا پەترۆلێ بۆ سۆمۆ.
سێهەم، پێتڤیە د
حەفتیەکێ دا لیژنەیا تایبەت ب داهاتێ نەپەترۆلی هەمی کارێن خۆ تەمام بکەتن و پشکا
عێراقێ ل داهاتێ نەپەترۆلیێ هەرێمێ بهێتە دیاریکرن و رادەست بکەن.
ئەڤەژی د دەمەکی دایە، د
هەشت هەیڤێن ئەڤسالە دا ب تنێ پێنج مووچە هاتینە دابەشکرن و هەتا دهێت حکومەتا دەم
بسەرڤەچووی ئاریشەیێن زێدەتر بۆ هنارتنا مووچەی دروست دکەت و لدویف زانیاریێن ئێن
ئاڕ تی، هەتا نها ١٢٠ ملیار دینار رادەست نەکرینە و دەست ب هنارتنا پەترۆلێ
نەکریە.