PM:01:33:23/08/2025
528 جار خوێندراوەتەوە
+
-
سەرۆکێ فراکسیۆنا نەوەی نوێ ل پەرلەمانێ کوردستانێ بۆ ئێن ئاڕ تی راگەهاند،
رەوشا ساخلەمیا سەرۆکێ ڤەلڤینا نەوەی نوێ د زیندانێ دا گەلەک یا خرابە،
پەرلەمانتارەکێ بەرێ یێ نەوەی نوێ ژی دبێژیت، سلامەتیا گیانی سەرۆکێ ڤەلڤینا مە د
ستۆیێ سەرۆکێ یەکێتی دایە.
ئەڤرۆ شەمبی، کوردەوان جەمال، سەرۆکێ فراکسیۆنا نەوەی نوێ ل پەرلەمانێ
کوردستانێ بۆ ئێن ئاڕ تی راگەهاند، ئەو کەسێن کو ئەو دەستەسەرکری، ترسیانە ل ڤیانا
خەلکی بۆ سەرۆکێ وێ ڤەلڤینا، د رۆژا سەرەدانکرنا زیندانیان ژیدا نەهێلایە چ کەسەک
سەرەدانا وی بکەت، حەتاکو پارێزەرێ وی ژی، ب وی ئەگەری ژی ناهێتە زانین کو هاتیە
چارەسەرکرن یان نە.
هەڤدەم، کاوە عەبدولقادر، پەرلەمانتارەکێ بەرێ یێ نەوەی نوێ لسەر وێ چەندێ
راگەهاند، سلامەتیا سەرۆکێ ڤەلڤینا مە د ستۆیێ بافڵ تالەبانی، سەرۆکێ یەکێتی دایە.
ئەڤەژی پشتی وێ یەکێ دهێت، درەنگیا شەڤا ١٢ـی ڤێ هەیڤێ هێزەکا یەکێتی چوو
سەر مالا شاسوار عەبدولواحید، سەرۆکێ ڤەلڤینا نەوەی نوێ و دەستەسەرکر، ب هێجەتا
چەند سکالایەکان کو تا نها ل دادگەها سلێمانیێ چ بەلگە ل سەر نەهاتینە.
ژلایەکی دیڤە سیپان ئامێدی، پەرلەمانتارێ نەوەی نوێ راگەهاند، بافل تالەبانی و قوباد تالەبانی بەرپرسیارن ژ ژیان و ساخلەمیا شاسوار
عەبدولواحید.