PM:07:58:22/08/2025
860 جار خوێندراوەتەوە
+
-
ژێدەرەکی ژ وەزارەتا
دارایا سوریا دبێژیت، سوریا دێ دوو سفر و وێەنەیێ سەرۆک کۆمارێ بەری وەلاتی ل سەر
دراڤێ خۆ لادەت.
ئەڤرۆ ئەینی، ژێدەرەکی ژ
وەزارەتا دارایا سوریا ب میدیایێن عێراقێ راگەهاند، وەلاتێ وی دێ دراڤێ نوی دەرکەت
و دێ دوو سفران ل سەر دراڤی خۆ لادەت، ئەڤەژی بۆ مەرەما ڤەگەراندنا باوەریێ یە ب لیرەیێ
سوری کو ب ئاوایەکێ بەرچاڤ بهایێ وی بەرامبەر
دراڤێن بیانی هاتیە خاڕ.
گوت ژی، ئەڤ پێنگاڤا
وەزارەتا دەرڤەیا سوریا، ئارمانج ژێ بهێزکرنا لیرەیێ سوری یە پشتی قەیرانێن ١٤
سالێن وەلاتێ کو ب دەرکرنا بەشار ئەسەد، سەرۆک کۆمارێ بەری یێ سوریا بدوماهیک هات،
تا نها شێوازێ دراڤێ نوی ئاشکرانەکریە، لێ ئاشکرایە کو وێنەیێ بەشار ئەسەد یان چ سومبولێن
وی تێدا نابن.
ئەڤەژی د دەمەکی دایە،
پشتی سەرهەلدانا قەیرانا نوی ل سوریا ل سالا ٢٠١١ـێ، بهایێ لیرەیێ سوری هاتە خار و
نها بهایێ ئێک ملیۆن لیرەیێ سوری هەمبەر ب ١٣٤ هزار دینارێن عێراقی یە و هاتنە
خارا بەرچاڤ ژ بهایێ لیرەیێ سوری وەکریە مامەلەیێن رۆژانە و ڤەگوهاستنا پارەی ب
زەحمەت کەڤیت.