PM:06:32:31/07/2025
832 جار خوێندراوەتەوە
+
-
شێوەرمەندێ دارایی و ئابوریێ سەرۆک وەزیرێ عێراقێ دبێژیت، عێراق د هەیڤا
داهاتی دا دێ دەست ب بلندکرنا ئاستێ بەرهەمئینانا پەترۆلێ کەت تا دوماهیا سالێ
نێزیکی چار ملیۆن بەرمیلێن پەترۆلێ دێ هنێریتە بازارێن جیهانێ کەت.
ئەڤرۆ پێنجشەمبی مەزهەر محەمەد سالح، شێوەرمەندێ دارایی و ئابوریێ محەمەد شیاع
سودانی، سەرۆک وەزیرێ عێراقێ گوت، ل دوماهیا سالا ٢٠٢٣، عێراق بۆ سەقامگیرکرنا
بازارێ پەترۆلێ د جیهانێدا، گرێبەست دگەل ئۆپیک پلەسدا ئیمزاکر، کو ب ئاوایەکێ خۆبەخش،
٢٣٠ هزار بەرمیلێن پەترۆلێ کێمتر بەرهەمبینیت، د هەیڤا ئاب دا ئەو گرێبەست دێ ب دوماهی هێت و وەکی بەرێ دێ دەست ب بلندکرنا بەرهەمئینانا پەترۆلێ کەت.
ئاماژە بوێیەکێ ژی کر، هەیڤا حوزەیرانا بووری(ئۆپیک پلەس) بڕیاردا ئاستێ
بەرهەمئینانا پەترۆلێ بلند بکەت، لێ حکومەتا عێراقێ ژ ئەگەرێ وێ گرێبەستا سالا
٢٠٢٣ کو لسەر رێککەفتبوو، دشیاندا نەبوو راستەوخۆ ئاستێ بەرهەمئینانا نەفتێ بلند
بکەت، هەیڤا ئاب دێ داوی بوێ گرێبەستێ هێت، عێراق دوی دەمیدا دشێت ئاستێ بەرهەمئینانا
پەترۆلێ زێدە بکەت و بهنێرتە بازارێن جیهانێ.
دبێژیت ژی، تا دوماهیا ڤێ سالێ ئاستێ بەرهەمئینانا پەترۆلێ ل عێراقێ، بۆ
نێزیکی چار ملیۆن بەرمیلێن پەترۆلێ دێ زێدەبیت و هنێرتە بازارێن جیهانێ، بڤێژی هاتنەخارا
بهایێ پەترۆلێ لسەر ئابوریێ عێراقێ دێ کێمبیت
ترس لسەر نامینیت.