PM:04:57:31/07/2025
800 جار خوێندراوەتەوە
+
-
وەزیرێ دەرڤەیێ ئیرانێ دبێژیت، بەریا دانوستاندنێن ئەتۆمی پێتڤیە ئەمەریکا قەرەبوویا
زیانێن مە بدەت، گوت ژی، پێداگرن لسەر پیتاندنا یورانیومی و دەستا ژێ بەرنادەن.
ئەڤرۆ پێنجشەمبی، عەباس عێراقچی وەزیرێ دەرڤەیێ ئیرانێ د چاڤپێکەفتنەکێ دا
ڕاگەهاند، پێتڤیە ئەمەریکا قەرەبوویا زیانێن شەش هەیڤێن بووریێن مە بدەت بەری
دەستپێکرنا هەر دانوستاندنەکا ئەتۆمی و تاران رێکەفتنێ ناکەت تاکو واشنتۆن
بەردەوامبیت ل داخازکرنا ڕاگرتنا پیتاندنا یۆرانیۆمی ل ئیرانێ.
وەزیرێ دەرڤەیێ ئیرانێ بەحسا وێیەکێ ژی کر، ئیرانێ هێشتا شیانێن پیتاندنا
یۆرانیۆمی هەنە و دەستا ژێ بەرنادەت. ئەڤ داخویانیە ژی پشتی راگەهاندنا سزایێن نویێن
ئەمریکا بسەر تاراندا دایە، کو سزا بسەر زێدەتر ژ ١١٥ کەس و قەوارە و کەشتیاندا
سەپاند، د ناڤبەرا واندا، شێوەرمەندێ نزیکێ عەلی خامنەیی تێدایە.