PM:10:43:30/07/2025
2300 جار خوێندراوەتەوە
+
-
دەست درێژی
و یاسا شکێنیەکا دیا بەرپرسێن پارتی دەست بسەرداگرتنا سەروەت و سامانێ
وەبەرهێنەرەکێ دهۆکێ یە.
ئەڤڕۆ
چارشەمبی، ب نێزیکی دوو هەیڤان بەریا نها نور محمد کو ئێکە ژ وەبەرهێنەرێن دهۆکێ بۆ
شاشەیا ئێن ئاڕ تی سکالایا خۆ گەهاند، سکالایا وی دەربارەی وێیەکێ بوو کو سەرۆکێ
دەزگەهێ خێرخوازیێ بارزانی و چەند کەسێن
دی یێن نێزیک ل بنەمالەیا بارزانی ب زەبرا هێزێ نێزیکی ٥٠ ملیۆن دۆلاران ژێ
وەرگرتینە.
هەڤدەم، ئەو
بەرپرسێ پارتی ب وێ چەندێ ژی نە ڕاوەستیایە و ژ وی دەمی تا نها بەردەوام فشار
ئێخستیە سەر نور محەمەد کو خودانێ کۆمپانیایا ئێم بیە بۆ وەبەرهێنانا خانوبەران تا
کو پارەیێن زێدەتر ژێ وەرگریت، د نها دا وی بەرپرسی خۆ کریە چاڤدێر و حاکم بسەر
وەبەرهێنەرێن دهۆکێ و دەسهەلاتا خۆ بکارئینایە بۆ فشارکرنێ ل دادگەهـ و سازیێن
ئەمنی یێن دهۆکێ نێزیکی دوو ملیۆن و ٥٠٠ هزار دۆلاران ژڤی وەبەرهێنەری وەربگریت.
خودانێ
کۆمپانیایێ دبێژیت، هەر ل دەسپێکێ دادوەرێ دادگەها دهۆکێ بوی گوتبوو، ئاریشەیێن خۆ
ل دەرڤەی دادگەهێ چارەسەر بکەن، لێ وی بەرپرسێ پارتی فشار ل دادگەها دهۆکێ کربوو
هەتا کو کەیسەکێ بۆ خودانێ کۆمپانیایێ دروستبکەن.
وەکی
وەبەرهێنەر دبێژیت، ڕێڤەبەرێ دادگەها جێبەجێکارێ دهۆکێ ڕازی نەبوویە و داخازا
بەرپرسێ پارتی رەتکریە، ژبەر وییەکێ وی بەرپرسی ب گڤاشتن ئەو دوسیە د بەرژەوەندیا
خۆ دا ئێکلا کریە و خانی و مال و مولکێ وەبەرهێنەری ب بارمتە گرتیە ل جهێ وان دوو
ملیۆن و ٥٠٠ هزار دۆلاران.
ئەڤە ژی د
دەمەکیدایە، ئەڤە ئێکەم جار نیە بەرپرسین پارتی دەستێوەردانێ د کاروبارین دام و
دەزگەهـ و دادگەهـ و مالێ خەلکی دا بکەن.
ئەڤەژی زێدەتر
پرسیارێ دئێخیتە سەر حوکمڕانیا شکەست خاریا پارتی و ئێکەتی.