PM:10:36:15/11/2021
2904 جار خوێندراوەتەوە
+
-
ئەڤرۆ مستەفا کازمی سەرۆکوەزیرێن عێراقی دگەل
جێگرێ سەرۆکێ کۆمسیۆنا ئەوروپا جڤیان، دناڤدا بەحسا گرنگیا کارکرنێ و لدیڤ چوونا
پێکڤە کریە بۆ پارێزگاریکرن ژ ئەولەهیا کۆچبەرێن سنورێ بیلاروسیا و سەلامەتیا
ژیانا کۆچبەران.
نڤیسینگەها ڕاگەهاندنا مستەفا کازمی سەرۆکوەزیرێن
عێراقێ د ڕاگەهاندنەکێدا، دگەل مارگریتیس شیانس جێگری سەرۆکێ کۆمسیونا ئەوروپا جڤیان
، بەحسا کەیسا وان کۆچبەران کریە یێن دناڤبەرا سنورێن بیلاروسیا - لیتوانیا ئاسێ
مانە.
د ڕاگەهاندنێ دا بەحسا وێیەکێ ژی کریە، پێتڤیە
پێنگاڤێن هەڤبەش دناڤبەرا عێراقێ و ئەوروپا دا بگرنەبەر بۆ پاراستنا ژیانا وان
کۆچبەران و کارلسەربهێتەکرن بۆ زڤرینا وان کۆچبەرێن ئاسێ مانە ل سنورێ دناڤبەرا
بیلاروسیا و پۆلەندا دا، بئاوایەکی کو کەسایەتیا وان یاپاراستی بیت.
ئەوژی دایە دیارکرن، دوێ دەربارێدا کۆمسیونا
ئەوروپا ژی بفەر دزانیت کار بۆ زڤراندنا وان کۆچبەران بھێتەکرن.
ئەڤە د دەمەکیدایە، بەردەوام پێلێن نویێن
کۆچبەران دگەهنە سنورێ دناڤبەرا بیلاروسیا - پۆلەندا دا، دهەمبەردا، حکومەتا
بیلاروسیا هاریکاریێن مرۆڤی بۆ کۆچبەران زێدەکرینە و دوێ کڤانێ ژی دا، جودا ژ
پارڤەکرنا چادران و دروستکرنا کەمپێن مانەڤێ بۆ وان، و نەخۆشخانەیێن مەیدانی بۆ وان
ڤەکرینە.