PM:08:42:15/11/2021
1900 جار خوێندراوەتەوە
+
-
یەکێتیا ئەورۆپا بڕیاردایە سزایێ زێدەتر بسەر بەرپرسێن
بلاروسیادا بسەپینن بسەدەما دروستکرنا قەیرانەکێ لسەر بکارئنینانا کۆچبەران،
هەڤدەم، بەرپرسەکێ یەکێتیا ئەورۆپا گەشتە بەغدا بۆ گۆتۆبێژکرنێ لسەر پرسا
کۆچبەران.
یەکێتیا ئەورۆپا ڕاگەهاند، بسەدەما وێیەکێ بیلاروسیا لسەر
سنورێن خۆ قەیارانا کۆچبەران دروستکریە، بڕیارداینە سزایێ زێدەتر بسەر بەرپرسێن وی
وەلاتی دا بسەپینیت.
هەڤدەم، حکومەتا پۆلەندا بڕیاردایە لسەر دروستکرنا دیوارەکێ
بلنتر ژ پێنج مەتران ب درێژیا ١٨٠ کێلۆمەتران دناڤبەرا پۆلەندا و بیلاروسیادا.
حکومەتا پۆلەندا دبێژیت ژی، ل ١٥ی مەها داهاتی دروستکرنا دیواری
دێ دەستپێکەت و د دەمێ ١٨٠ رۆژان دا دێ تەمام بیت.
لسەر هەمان پرس، بەرپرسێ کەیسا پەنابەران ل یەکێتیا ئەورۆپا
گەشتە بەغدا بۆ گۆتۆبێژکرنێ لسەر کۆچبەرێن سنورێ بیلاروسیا.
نوینەرێ یەکێتیا ئەورۆپا داخاز ژ بەغداکریە بتنێ داخازا
ڤەگەریانێ ل کۆچبەرێن بیلاروسیا نەکەت، بەلکو دڤێت هەمی قەناعەتێ پێ بینن کو
بیلاروسیا دگەل وان نەیا ڕاستە و پێتڤیە ڤەگەرنە عێراقێ.
ماوەیەکە دیاردەیا کۆچا وەلاتیێن هەرێم و
عێراقێ بۆ بیلاروسیا و پشترە بۆ پۆلەندا دەستپێکریە، ب وێ سەدەمێ ژی پۆلەندا
هەژمارا سەربازێن خۆ لسەر سنوری زێدەکریە.
ئەو کۆچبەرە بەحسا وێیەکێ دکەن،
بسەدەما خرابیا ژیان و نەبوونا دەرفەتێن کاری و خرابیا ڕەوشا ئابووی و ژکارکەفتنا
زۆرینەیا کەرتێن ژیانێ بەرەڤ وان وەلاتان چووینە و ئەو رێکا دژوار هەلبژارتنە.