PM:07:57:15/11/2021
1176 جار خوێندراوەتەوە
+
-
سەرۆکا پەرلەمانێ کوردستانێ ڕاگەهاند، داهاتێ پەترۆلێ مەهانە ٩٠٠ ملیۆن
دۆلارە لێ بتنێ ٣٥٠ ملیۆن دۆلار دچنە خەزینا وەزوارەتا دارایی، دبێژیت ژی،
"پەرلەمان دوو ملیار و ٢٠٠ ملیۆن دینارانقەرزداربوو دەمێ ئەز بوویمە سەرۆکا پەرلەمانی".
ڕێواز فایەق سەرۆکا پەرلەمانێ کوردستانێ دچاڤپێکەفتنەکێدا دگەل هندەک ژ
دەزگەهێن ڕاگەهاندنێ کو ئێن ئاڕ تێ ژیدناڤدا بەژداربوو و ڕاگەهاند، لگۆرەی ل دیڤچۆنان داهاتێ پەترۆلێ دمەهەکێدا
٩٠٠ ملیۆن دۆلارە، لێ بتنێ ٣٥٠ ملیۆن
دۆلار دزڤڕن بۆ خەزینا وەزارەتا دارایی.
ئاماژە بوێ ژی کریە، "ژدەرڤەی وەزارەتا دارایی نزانین داهاتێ چەندە و
ئەز وەکی سەرۆکا پەرلەمانێ کوردستانێ ئاگەهداری داهاتێ هەرێما کوردستانێ
نیمە".
بەحسا وێیەکێ ژی کریە، "ئەڤ کۆچکرنا نها ڕووددەت تشتەکێ نەئاساییە و ژ
حالەتی بوویە دیاردە و دەما مەگۆت لیژنەیەکا پەرلەمانێ کوردستانێ سەرەدانا
بیلاروسیا دکەت بۆ وێ مەرەمێ بوو دگەل ئالیێن فەرمی و ڕێکخراواندا بجڤن، ژبەرکو
ئەم هەمی دزانین ئەو کۆچبەر چەند تووڕەنە".
دەربارێ فرۆتنا ڤێلایەکێ ژئالیێ پەرلەمانیڤە بکۆژمکێ ٧٠ دەەفتەرێن دۆلاری
کو دپشترا دنیژەنکرنا ئەسانسۆرا پەرلەمانیدا خەرجرینە ئەو بۆ ئێن ئاڕ تی هاتیە گۆتن،
"ڕاستە ئەو ڤێلایە هاتیە فرۆتن و پاڕێ وێژی بۆ چێکرن و نیژەنکرنا ئەسانسۆران
خەرجکریە".
دەربارێ وێچەندێ نەسریا پەرلەمانی ٦٠٠ملیۆن دینارن ژبەرچی بازاری بوی ملکی
دکەن و گۆهڕینان بوان نەسریان ناکەن بەحسا وێیەکێ کر، "ئەڤە دەستهەلاتامەیە و
بڤی ئاوایی مامەلێ دگەل دکەین و تشتێن دی ژی دێکەین".
ڕاگەهاندیە ژی، "دەمێ ئەز بوویمە سەرۆکا پەرلەمانی دوو ملیار و ٢٠٠
ملیۆنان پەرلەمان یێ قەرداربوو و دنهاژیدا هندەک ژوان مولکان دفرۆشین بۆ دانەڤەیا
وان قەرزان".
رێواز فایەق دڤێ خۆلا پەرلەمانیدا سەرۆکا پەرلەمانێ کوردستانێ یە لسەر پشکا
ئێکەتی، کو ئەو حیزبە هەڤپشکەکا سەرەکیا حکومەتێ یە و چەندین پۆست لسەرئاستێ سێ
سەرۆکایەتیان و وەزارەتان وەرگرتینە.