PM:07:41:15/11/2021
2872 جار خوێندراوەتەوە
+
-
پەیڤدارێ وەزارەتا دەرڤەیا عێراقێ ڕاگەهاند، پۆلەندا سنورێن خۆ د روویێ
کۆچبەراندا ڤەناکەت و دڤێت لسەر وێیەکێ تێبەگەهین، دبێژیت ژی، "هەیا نها نەیا
دیارە چ هەڤکاریێن ماددی پێشکێشی کۆچبەران بکەین".
ئەحمەد سەحاف پەیڤدارێ وەزارەتا دەرڤەیا عێراقێ د تاوتوێیا ئێن ئاڕ تی دا
ڕاگەهاند، دگەل بەشەک ژ وەلاتێن ئەورۆپا د گۆتۆبێژان دانە دەربارەی کۆچبەران و
دگەل شاندنا کۆچبەرێن عێراقێ دا نینن ب زۆرەملی و نەشێن ب نەچاری خەلکی ڤەگەرینن.
ئاماژە ب وێیەکێ ژی کریە، دێ بزاڤان کەن هەیا کو کۆچبەر لسەر سنورێ
بیلاروسیا ڤەگەریننە عێراقێ، دبیژیت ژی، کۆچبەر ب درێژیا ٦٨٠ کێلۆمەتران دخوازن
بچنە پۆلەندا، لێ ئەو وەلاتە رێکێ نادەت عێراقی بچنە د ئاخا وێ دا.
بەحسا وێیەکێ ژی کر، ل ١٨ی ڤێ مەهێ ئێکەم قوناغا ڤەگەراندنا کۆچبەران دێ
دەستپێکەت و پاسپۆرتا بلەز دێ بۆ وان هێتە دروستکرن هەتا پێ ڤەگەرن، دبێژیت ژی،
دڤێت کۆچبەر لسەر وێیەکێ تێبگەهن کو سنور د روویێ وان دا ناهێنە ڤەکرن.
ڕاگەهاند ژی، " هەیا نها نەیا دیارە چ هەڤکاریێن ماددی پێشکێشی
کۆچبەران بکەین"، دبێژیت ژی، "کۆچبەر وەسا هزردکەن ئەورۆپا بەحەشتە لێ د
ڕاستیێ دا نەوەسایە".
بەحسا وێیەکێ ژی کر، "مە پێ نەخۆشە وەلاتیێن مە خارن و جلک نینن د وێ
سەرمایا بیلاروسیا دا"، دبێژیت ژی، "هەیا نها سێ وەلاتیێن عێراقێ لسەر
سنورێ بیلاروسیا ژیانا خۆ ژ دەستداینە".
ماوەیەکە دیاردەیا کۆچا وەلاتیێن هەرێم و عێراقێ بۆ بیلاروسیا و پشترە بۆ
پۆلەندا دەستپێکریە، ب وێ سەدەمێ ژی پۆلەندا هەژمارا سەربازێن خۆ لسەر سنوری
زێدەکریە.
ئەو کۆچبەرە بەحسا وێیەکێ دکەن، بسەدەما خرابیا ژیان و نەبوونا دەرفەتێن
کاری و خرابیا ڕەوشا ئابووی و ژکارکەفتنا زۆرینەیا کەرتێن ژیانێ بەرەڤ وان وەلاتان
چووینە و ئەو رێکا دژوار هەلبژارتنە.