PM:07:21:15/11/2021
672 جار خوێندراوەتەوە
+
-
نووچەگەهانێ ئێن ئاڕ تی ڕاگەهاند، پشتی ئاشکراکرنا ناسنامەیێن وان بڕیارە ل
٨ی مەها داهاتی ٤٢ رووفاتێن دی یێن قوربانیێن گوندێ کۆچۆ ل شنگال ڕادەستی مالباتێن
وان بهێنەکرن.
نەزیر شنگالی نووچەگەهانێ ئێن ئاڕ تی ل شنگال ڕاگەهاند، پشتی نوژداریا داد
ل بەغدا ناسنامەیا ٤٢ رووفاتێن دی یێن قوربانیێن گوندێ کۆچۆ ئاشکرا کرین بڕیارە
ڕادەستی مالباتێن وان بهێنەکرن.
ئاماژە ب وێیەکێ ژی کر، ئەو رووفاتە ژ گۆرێن بکوم هاتینە دەرخستن و بڕیارە
ل ٨ی ١٢ ڕادەستی مالباتێن وان بهێنەکرن، گوت ژی، دێ د رێوڕەسمەکێ دا ل گۆرستانا
گوندێ کۆچۆ ب ئاخێ هێنە سپاردن.
ئەڤە د دەمەکێ دایە، پشتی دەست ب سەرداگرتنا شنگالێ ژ ئالیێ داعش ڤە ل سالا
٢٠١٤ێ ژمارەیەکا زۆرا خەلکێ وێ ب تایبەتی ژی گوندێ کۆچۆ ب ساخی بن ئاخکرن و بێ
سەروشینکرن و هەیا نها ژی گۆرێن ب کۆم هەنە و لێگەریان و دیڤچوون ژی بەردەوام.
هەڤدەم، داوی جار ژی ١٠٤ رووفاتێن قوربانیێن گوندێ کۆچۆ کو ژ گۆرێن ب کۆم
هاتبوونە دەرخستن و نوژداریا داد ل بەغدا ناسنامەیێن وان ئاشکراکربوون ڕادەستی
مالباتێن وان هاتبوونەکرن و هەر ل گۆرستانا گۆندێ کۆچۆ د رێورەسمەکێ دا هاتبوونە
ڤەشارتن.