PM:04:47:17/07/2025
360 جار خوێندراوەتەوە
+
-
حکومەتا عێراقێ دبێژیت، ٥٠ هزار بەرمیل پەتڕۆل بۆ
پێدڤیێن ناڤخۆیێن هەرێمێ هاتینە دیارکرن و گوت ژی، پێدڤییە هەرێم ب کێمی رۆژانە
٢٣٠ هزار بەرمیلێن پەتڕۆلێ رادەستی مەبکەت.
ئەڤرۆ پێنجشەمبی، جڤاتا وەزیرێن عێراقێ ب سەرۆکاتییا
محەمەد شیاع سودانی، سەرۆک وەزیرانێ عێراقێ کۆمبوو و راگەهاند، پێدڤییە دەملدەست
هەرێم هەمی پەتڕۆلا بەرهەمئینای رادەستی سۆمۆ بکەت.
ئاماژە ب وێیەکێ ژیکر، بۆ هەر بەرمیلەکێ کو لدیف
یاسایا سەرڕاستکریا بودجەی وەردگرن، دەستپێکێ ١٧ دۆلار ( ب جۆرێ کاش یان ب جۆرێ
ماددی) دێ دەتە هەرێمێ، ب مەرجەکی بڕێ وەرگرتی کێمتر نەبیت ژ وان ٢٣٠ هزار
بەرمیلێن نها د رۆژەکێ دا، کو هەر زێدەبوونەکا بەرهەمئینانێ ب رێکا لیژنەیەکێ دێ
بۆ هێتە زیدەکرن، ژ ئەگەرێ راوەستییانا هنارتنێ ب هەر ئەگەرەکی، هەمی ئەڤ بڕە دێ گەهیتە
وەزارەتا پەتڕۆلا عێراقێ.
بەحسێ وێیەکێ ژیکر، رۆژانە ٥٠ هزار بەرمیل بۆ
بکارئینانا ناڤخۆیی ل هەرێمێ دێ هێنە تەرخانکرن، ب مەرجەکی حکومەتا هەرێمێ پابەند
بیت ب خەرجکرنا تێچوویا بەرهەمئینانێ و ڤەگوهاستنێ بۆ ڤێ بڕێ و داهاتێ فرۆتنا
بەرهەمێن پەتڕۆلی داخازا لێبڕینا تێچوویا بەرهەمئینان و ڤەگوهاستنێ و پالاوتنێ دێ
هێتە ڤەگوهاستن بۆ گەنجینەیا فیدڕالی، ژ ئەگەرێ پێتڤییەکا هەرێمێ، وەزارەتا پەتڕۆلا فیدڕالی لدیف پێدڤی بڕێ بەرهەمی
دێ بۆ هەرێمێ دابین کەت، کو ل بەرهەمێ پالاوتنا ١٥ هزار بەرمیلێن پەتڕۆلا خاڤ د
رۆژەکێ دا زێدەتر نەبیت، لیژنەیەکا هەڤبەش ل وەزارەتا پەتڕۆلا فیدڕالی و وەزارەتا
سامانێن سرۆستیێن هەرێمێ پێدڤیێن هەرێمێ بۆ بەرهەمێن پەتڕۆلی بۆ تەرخانکرنێ دێ هەلسەندگاندنێ بۆکەن، هەروەسا
ددەمی دوو حەفتییان دا دێ راپۆرتێ پێشکێشی جڤاتا وەزیرێن فیدڕالی کەت بۆ
پەسەندکرنێ.