PM:05:33:15/11/2021
748 جار خوێندراوەتەوە
+
-
بافل تالەبانی سەرەدانا مەسعود بارزانیکر و د
ڕاگەهاندنەکا هەڤسەرۆکێ یەکێتیێ دا هاتیە، هەر دوو ئالیان ئێک گوتارا کوردان ل
بەغدا ب گرنگ زانیە و تەکەز ل دارشتنا بەرنامەیەکێ هەڤبەشێ هەردوو ئالیان بۆ
مامەلەکرنێ لسەر پرسا پێکئینانا حکومەتا داهاتیا عێراقێ کریە.
ئەڤرۆ دووشەمبێ، نڤیسینگەها بافل تالەبانی د
ڕاگەهاندنەکێ دا بەلاڤکریە، بافل تالەبانی هەڤسەرۆکێ یەکێتی سەردانا مەسعود
بارزانی سەرۆکێ پارتی ل پیرمام کر و "دجڤینەکێ دا گۆتۆبێژا داوی پێشهاتێن
سیاسی، ئەولەهی و ئابووری یێن هەرێم و عێراقێ و دەڤەرێ کرن".
ئاماژە ب وێیەکێ ژی کرینە، "پشکداریا
کوردان د حکومەتا داهاتیا عێراقێ دا و رووبرووبونا رێگریێن سیاسی ب هویری گۆتۆبێژ
د وێ دەربارێ دا کرینە".
د ڕاگەهاندنێ دا بەحسا وێیەکێ ژی کریە،
"د جڤینێ دا پشتی هەڤبەرکرنا ڕەوشا گشتی و پرسێن هەرنوکەی، تەکەز ل ئێک رێزیا
نشتیمانیا کورد و ئیکخستنا بزاڤان بۆ چارەسەرکرنا ئارریشە و خزمەتکرنا خەلکێ
کوردستانێ کرن".
ڕاگەهاندیە ژی، "د جڤینێ دا قوناغا نوی
یا عێراقێ و پشتی هەلبژارتنان و گرنگیا
ئێک گوتاریا کوردان ل بەغدا ب پێتڤی زانینە و پەرۆشا یەکێتی و پارتی بۆ ئێک رێزی و
تەباییا مالا کورد دووپاتکرینە".
گوتیە ژی، "هەردوو ئالیان تەکەز لسەر
پرۆژەیێ هەڤبەشێ نشتیمانی لسەر بنەمایێ بەرژەوەندیا نەتەوەی بۆ هەمی پرسەیێن سیاسی
و دارشتنا بەرنامەیەکێ هەڤبەشێ هەر دوو ئالیان بۆ مامەلەکرنێ دگەل پرسا پێکئینانا
حکومەتا داههاتیا عێراقێ و چەسپاندنا پرەنسیپێن شەراکەت د حوکمرانی و جێبەجێکرنا
داخازیێن وەلاتیان و بدەستەڤە ئینانا ئارامیێ".
ئەڤە د دەمەکێ دایە، دنها دا ژمارەیەکا زۆرا
وەلاتیێن هەرێما کوردستانێ لسەر سنورێ بیلاروسیا و پۆلەندا ئاسێ ماینەرێک ب وان ناهێتە دان بچنە وەلاتێن یەکێتیا ئەورۆپا وەکی ئەو بخۆ دبێژن،
قۆرغکرنا دەستهەلاتێ ژ ئالیێ دوو حزبێن دەستهەلاتدارێن هەرێمێ ڤە و نەبوونا
دەرفەتێن کاری و کێمیا خزمەتگۆزاریان سەدەمێ کۆچکرنا وانە، لێ ئەو بابەت نەبوویە
جهێ سەرنج و بابەتێ گۆتۆبێژێن بەرپرسێن وان دوو حزبان.