AM:11:48:16/07/2025
972 جار خوێندراوەتەوە
+
-
ئەمیندارێ بەرێ یێ
وەزارەتا پێشمەرگەی دبێژیت، هێرشێن درۆنیێن نها یێن سەر هەرێما کوردستانێ
دەرئەنجامێ شەڕێ ئیران و ئیسرائیلە و کو هندەک گروپێن مقاوەمەیا ئیسلامی تورەکریە،
دبێژیت ژی، ئەو درۆنە زێدەتر وان جهان ب ئارمانج دگریت کو پرۆژەیێن پەترۆلی تێدا
هەنە، ئەوژی بۆ ناکۆکیێن هەرێم و بەغدا و گرێبەستێن پەترۆلێ ڤەدگەریت.
ئەڤرۆ چارشەمبی، جەبار
یاوەر، ئەمیندارێ بەرێ یێ وەزارەتا پێشمەرگەی دەربارەی هێرشێن درۆنی ڕاگەهاند،
بەشەکا ئەگەرێن هێرشان بۆ سەر هەرێمێ ڤەدگەریت بۆ ناکۆکیێن توندێن دناڤبەرا حکومەتا
دەم بسەرڤەچووی و بەغدا دا دەربارەی بودجە و مووچە و پەترۆلێ، ژبەر هندێ ئەو درۆنە
زێدەتر وان جهان دکەنە ئارمانج کو پرۆژەیێن پەترۆلی تێدا هەنە.
ئەو یەکژی بەرچاڤکر،
بەیاننامەیا وەزارەتا ناڤخۆ ب زەلالی وان هێرشان دکەتە ملێ هندەک گروپێن حەشدا شەعبی،
لێ تا نها لژنا پسپۆرا ئەولەهیێ و هەوالگیریا هەڤبەش دناڤبەرا هەرێم و بەغدا دا بۆ
وی بابەتی نەهاتیە دروستکرن کو ب بەلگەڤەبهێتە ئەشکراکرن.
ئەڤە د دەمەکی دایە،
هەیاما نێزیکی هەیڤەکێ یە بەردەوام هێرشێن دەرۆنی بۆ سەر زەڤیێن پەترۆلێین هەرێمێ
دهێنەکرن و دوهی ژی هێرشی سەر زەڤیا پەترۆلیا سەرسنکێ ل سنورێ ئامێدیێ هاتەکرن و
زیان ب ژێرخانێ وێ گەهاندیە.