PM:04:30:15/11/2021
1400 جار خوێندراوەتەوە
+
-
پەیڤدارێ وەزارەتا ساخلەمیا هەرێما کوردستانێ
ڕاگەهاند، "وەزارەتێ بڕیارا داخستنا وێ نەخۆشخانەیێ دەرخست یا کو ژ بوی دانا
تەرمەکێ ب کەسوکارێن وی داخازا پارەی کربوو".
ئەڤرۆ دووشەمبی، د.ئاسۆ حەوێزی پەیڤدارێ وەزارەتا
ساخلەمیا حکومەتا هەرێما کوردستانێ دەما ئەنجامدانا کۆنفڕانسەکێ رۆژنامەڤانی
ڕاگەهاند، "ئەو نەخۆشخانەیا تەرم ل دەڤ خۆ هێلابوو ژبوی وەگرتنا پارەی ژ
خۆدانێن وی تەرمی، پشتی ڤەکۆلینێ بڕیار هاتە دان بهێتە داخستن".دبێژیت ژی، ئەو نەخۆشخانە سێ ملیۆن دیناران هاتە سزادان و سۆزنامە ژێ پێ
هاتە پڕکرن هەیاکو ئەڤ چەندە دووبارە نەبیتڤە.
ل ١ ێ ڤێ مەهێ، نەخۆشخانەکا تایبەت یا هەولێرێ بۆ دانەڤەیا تەرمەکی کوب
سەدەمێ کۆرۆنایێ ژیانا خۆ ژ دەستدابوو کۆژمێ ١٠ ملیۆن دیناران ژێ وەرگرت بوون.
دوێ ڕۆژێدا، کەسوکارێن وی نەخۆشی خڕڤەبوون و بەحسا وێیەکێ کر، نەخۆشێ وان
٢٣ ڕؤژان ل وێ نەخۆشخانا "ئەهلی" دا مابوو و ٣٥ ملیۆن دینار دابوون،
وەکی بەحس ژی کری بکۆژمێ ١٠ملیۆن دیناران دەرمان ژ دەرڤەی نەخۆشخانێ بۆ کڕیبوون.
٢ ێ ڤێ مەهێ ژی، وەزارەتا ساخلەمیا هەرێما کوردستانێ لێژنەیەکا ڤەکۆلینێ پێکئینا
لسەر نەخۆشخانەکێ ڕاگەهاند و ئةڤرۆژی بڕیارا داویێ لسەر هاتە دان.
ئەڤەژی د دوەمەکی دایە، پشکەکا زۆرا وەلاتیێن هەرێمێ دنهادا ژدەست
نەخۆشخانێن نە حکومی و نۆرینگەهەهێن نوژداری دنالن و گلەیا وێ چەندێ هەیە، ژ
پشکەکا نەخۆشخانێن حکومی گرنگیەکا تەمام بوەلاتیان نادەن ژبەر هندێ ژی نەچارن بۆ
ئەنجامدانا پشکنینان و وەرگرتنا چارەسەریا پێتڤی سەرەدانا نەخۆشخانێن نەحکومی و
نۆرینگەهان بکەن، لێ ئەڤێ ژی پارەیەکێ زۆر دڤێت.