PM:03:52:15/11/2021
3228 جار خوێندراوەتەوە
+
-
کۆچکا کرملن ڕاگەهاند، روسیا ئامادەیە ناڤەندگێریێ بکەت
دناڤبەرا بیلاروسیا و ئێکەتیا ئەوروپا وەک گۆتۆبێژکارەک ب مەرەما چارەسەریا
ئاریشەیێن کۆچبەرێن لسەر سنورێ بیلاروسیا.
ئەڤرۆ دووشەمبی، دیمتری بیسکۆڤ پەیڤدار ب ناڤێ کۆچکا
کرملن، د کۆنفڕانسەکێ رۆژنامەڤانیدا ڕاگەهاند، وەلاتێ وی دکاریت هەڤکاربیت بۆ
چارەسەرکرنا ئاریشەیا کۆچبەرێن ل سنورێ بیلاروسیا.
ئاماژە ب وێیەکێ دا، روسیا دکاریت وەک گۆتۆبێژکارەک
ناڤەندگێریا بیلاروسیا و ئێکەتیا ئەوروپا بکەت.
دەربارەی هەلویستێ ئەمریکا دیمتری بیسکۆڤ ئاماژە ب
وێیەکێ کر، ئەمریکا ئاریشەیا کۆچبەران ب خرابی لێکددەت.
ئەوژی دیارکر، ڤلادیمێر پۆتین سەرۆکێ روسیا و ئەلکسەندەر
لۆکاشینکۆ سەرۆکێ بیلاروسیا بەردەوام د پەیوەندیێ دانە و زانیاریێن پێتڤی
لێکدگۆهڕن.
ژ ئالیەکێ دی، دەربارەی ئەگەرێ گرتنا غازا روسی ل
ئێکەتیا ئەوروپا ژ ئالیێ بیلاروسیا، دیمیتری بیسکۆڤ گوت، بیلاروسیا وەلاتەکە
خۆدانێ سەروەریا خۆیە و ئەو پێنگاڤە ژ روویێ تیۆریڤە ئەگەرەکێ ڤەکریە، هەڤدەم،
پێگیربوونا روسیا تەکەزکر ب هنارتنا غازێ بۆ بکاربەرێن وێ یێن ئەوروپی.
کۆمپانا بیلافیایا
بالەفڕڤانی کو ژ ئالیێ حکومەتا بیلاروسیا خۆدانیا وێ دهێتە کرن ڕاگەهاند، حکومەتا
ئیماراتێ ژ ئێڤاریا ئەڤرۆ ئێکشەمبی بڕیار دەرئێخستیە.
هەر
ئەڤرۆ دووشەمبی، وەزارەتا دەرڤەیا عێراقێ راگەهاندنەک بەلاڤکر و تێدا ئاماژە ب
وێیەکێ کر، پێنجشەمبی ١٨ی تشرینا دووێ یا ٢٠٢١ێ ئێکەم گەشت بۆ ڤەگەڕاندنا کۆچبەرێن
ئاسێبوویێن سنورێ بیلاروسا و پۆلەندا دێ هێتە ئەنجامدان.
ئەڤە
ددەمەکیدایە، پێلا کۆچبەرێن ئاسیایی و ئەفریقی ب رێیا وەلاتێ بیلاروسیا بۆ ئێکەتیا
ئەوروپا ئاریشە دناڤبەرا پەیوەندیێن دناڤبەرا وی وەلاتی و ئێکەتیا ئەوروپا
دروستکریە. لدویف راپۆرتێن رۆژنامەڤانی، ئێکەتیا ئەروپا د وێ هزرێ دایە سزایێ سەر
بیلاروسیا دژوارتر بکەت.