PM:02:22:15/11/2021
920 جار خوێندراوەتەوە
+
-
نوینەرێ حکومەتا هەرێمێ ل ئێکەتیا ئەوروپا ڕاگەهاند،
" ژبلی ڤەگەڕاندنا ئارەزومەندانە د شیاندا نینە چ بۆ کۆچبەرێن کوردێن سنورێ
بیلاروسیا بهێتە کرن".
ئەڤرۆ دووشەمی، دلاوەر ئاژگەیی نوینەرێ حکومەتا هەرێمێ ل
ئێکەتیا ئەوروپا ئاماژە ب وێیەکێ کر، "ئەوا حکومەتا هەرێمێ زێدەتر رەنگە بۆ
وان کۆچبەران بکەت ئەوە ئاسانکاریێن تەمام بکەت بۆ وان کۆچبەرێن دڤێت ڤەگەڕن بۆ
کوردستانێ، ژبەرکو وەلاتیێ سێیەمە نکاریت چ بکەت".
دلاوەر ئاژگەیی بۆ دەنگێ ئەمریکا گوتیە "هەلویستێ
فەرمی ئەوە کو ئێکەتیا ئەوروپا رێکێ نادەت ئەو کۆچبەرە بچنە ناڤ ئاخا ئەوروپا، د
وی کڤانی ژی دا جێگرێ سەرۆکێ کۆمسیۆنا ئەوروپا دێ سەرەدانا لبنان و عێراق و هەرێما
کوردستانێ و وان جهان کەت یێن کو خەلک ژ وان وەلاتان کۆچ دکەن، دێ دگەل بەرپرسێن
وان جهان ئاخڤیت ب مەرەما وێیەکێ کو چەوا رێک بهێتە گرتن ل وی خەلکێ ب وی رەنگی دچنە
ئەوروپا".
گوتژی، "بۆ ئێکەتیا ئەوروپا پشتی بابەتێ ئاسایشێ،
بابەتێ کۆچبەران بابەتەکێ هەستیارە و هەمی د رازینە لسەر وێیەکێ کو پشتگێری لێ
بهێتە کرن".
ب گوتنا دلاوەر ئاژگەیی، "مەبەستا ئێکەتیا ئەوروپا ژبلی
پارێزگاریێ ل سنوران وان ژێدەران ژی هشک بکەت یێن پەنابەر ژێ دهێن و لوێرێ رێگری
لێ بهێتە کرن، وان گڤاشتنان وەسا ل عێراقێ کر کو بالوێز و کونسلخانەیا بیلاروسیا ل
عێراقێ و هەرێمێ دابئێخن هەیا ڤیزەیێ نەدەنە خەلکی، هەروەسا گڤاشتن ئێخستنە سەر
هێلێن ئەسمانیێن تورکیا بۆ رێگری کرنێ ژ ڤەگۆهاستنا کۆچبوران ژ وی وەلاتی، وەکو
کەنالەکێ دیباۆماسیێ ئێکەتیا ئەوروپا سەرەدانا عێراقێ و هەرێما کوردستانێ دکەت،
ژبەرکو پەیوەندیێن دیبلۆماسی دگەل هەردوو وەلاتاندا هەنە".