PM:01:35:15/11/2021
1176 جار خوێندراوەتەوە
+
-
دەستهەلاتدارێن ئیماراتێ، هەڤئاوایێ تورکیا، گەشتکرنا
وەلاتیێن عێراقی و سوری و یەمەنی و ئەفغانی بۆ بیلاروسیا قەدەغەکر.
ئەڤرۆ دووشەمبی،
دەستهەلاتدارێن ئیماراتێ بڕیاردا ئێدی رێکێ نەدەن گەشتیارێن عێراقی و سوری و
یەمەنی و ئەفغانی ژ وی وەلاتی بەرەف بیلاروس گەشتێ بکەن.
ژ ئالیێ خۆڤە، دوهی کۆمپانا
بیلافیایا بالەفڕڤانی کو ژ ئالیێ حکومەتا بیلاروسیا خۆدانیا وێ دهێتە کرن ڕاگەهاند،
حکومەتا ئیماراتێ ژ ئێڤاریا ئەڤرۆ ئێکشەمبی بڕیار دەرئێخستیە.
بەریا نها ژی ئێکەتیا
ئەوروپا بەلاڤکر، پشکەک ژ کۆچبەران ب رێیا ئیماراتێ کۆچێ بۆ بیلاروسیا دکەن و حکومەتا
بیلاروسیا ئیمارات وەک دەرگەهەک بۆ ڤەگۆهاستنا کۆچبەران بکاردئینا.
رۆژا ئەینیا دەربازبووی
حکومەتا تورکیا بسەدەمێ ئاریشەیێن سەر سنورێن بیلاروسیا و پۆلەندا و لیتوانیا و
لاتیڤیا، گەشتکرنا گەشتیارێن عێراقی و سوری و یەمەنی و ئەفغانی ژ وی وەلاتی وان
بۆ بیلاروسیا راگرت.
هەر
ئەڤرۆ دووشەمبی، وەزارەتا دەرڤەیا عێراقێ راگەهاندنەک بەلاڤکر و تێدا ئاماژە ب
وێیەکێ کر، پێنجشەمبی ١٨ی تشرینا دووێ یا ٢٠٢١ێ ئێکەم گەشت بۆ ڤەگەڕاندنا کۆچبەرێن
ئاسێبوویێن سنورێ بیلاروسا و پۆلەندا دێ هێتە ئەنجامدان.
ئەڤە
ددەمەکیدایە، پێلا کۆچبەرێن ئاسیایی و ئەفریقی ب رێیا وەلاتێ بیلاروسیا بۆ ئێکەتیا
ئەوروپا ئاریشە دناڤبەرا پەیوەندیێن دناڤبەرا وی وەلاتی و ئێکەتیا ئەوروپا
دروستکریە. لدویف راپۆرتێن رۆژنامەڤانی، ئێکەتیا ئەروپا د وێ هزرێ دایە سزایێ سەر
بیلاروسیا دژوارتر بکەت.