PM:03:50:26/07/2021
1896 جار خوێندراوەتەوە
+
-
زەلامەکێ چینی پشتی ٢٤ سالاێن ژ لێ گەڕیانێ لسەر
ماتۆڕسکلێ خۆ دناڤ تەڤایا باژێر و باژێرکێن وەلاتێ وی شیا زاڕویێ خۆ ببینیت،
ئەڤەژی بوویە تاقیکرنەک بۆ دروستکرنا فلمەکی بناڤێ (خۆشتڤیێ بەرزەبووی) بۆ سالا
٢٠١٥.
وەزارەتا ئاسایشا گشتی ل وەلاتێ چینێ د ناڤەڕاستا ڤێ
مەهێدا، ئەو دوو تۆهمەتبارە کو ل سالا ١٩٩٧ێ زاڕویێ کوە جانتاگۆیان رەڤاندبوو
دەستەسەرکرن.
کوە جانتاگۆیان یێ ٥١ سالی پشتی دەربازبوونا ٢٤ سالان ژ
لێ گەڕیانێ ل دوویف زارۆیێ خۆ، دیتەڤە، و پشترا ل تۆڕێن جڤاکی بەلاڤکر، "ئەڤە
رۆژەکا گەلەکا گرنگە بۆ من، ژبەرکو ئەز شیام زارۆکێ خۆ ببینم، بڕاستی داهاتیێ من
پڕە ژ خۆشبەختی و بەختەوەریێ، داخاز دکەین خودێ ب سوز مامەلێ دگەل مە بکەت".
پشتی کو ئەو زاڕۆیێ تەمەن دووسالی ل سالا ١٩٩٧ێ ل پێشیا
مالا ویدا ب تنێ یاری دکرن ژ ئالیێ چەند کەسەکانڤە هاتە رەڤاندن، بابێ وی تۆشی
مەندەهوشیێ بوو و ب وی سەدەمی ٢٠ کیلۆ ژ لەشی خۆ ژدەستدان.
هەر دوی دەمیدا بابێ وی زارۆکی چەندین پۆستەر لسەر رێ و
جاددەیان هەلاویستن کو تێدا ئاماژە ب زانیاریێن لسەر وی زارۆکی کربوو.