AM:09:47:15/11/2021
880 جار خوێندراوەتەوە
+
-
بابێ ئەڤینێ ئەو ژنا کورد یا کو بسەدەمێ سەرمایێ رەوشا
ساخلەمیا وێ تێکچووی و ب وی سەدەمی زارۆیێ د زکی دا ژیانا خۆ ژ دەستدای، زانیاریێن
نوی دەربارەی ساخلەمیا کچا خۆ بۆ ئێن ئاڕ تی ئەشکەرا دکەت.
عیرفان زاهر بابێ ئەڤینێ ل دەمێ پشکداریکرنێ د
پانۆرامایا ئێن ئاڕ تی دا ئاماژە ب وێیەکێ کر، "نشتەرگەری بۆ ئەڤینێ هاتیە
کرن و زارۆکێ دزکێ وێدا ژیانا خۆ ژ دەستدایە ئینایە دەرێ".
گوتژی، "بڕیارە ئەڤرۆ دووشەمبی ل نەخۆشخانەیێ
پرۆسەیا شویشتنا گولچیسکان بۆ بهێتە ئەنجامدان".
عیرفان زاهر تەکەز ل وێیەکێ کر، کو ،"هێشتا ژیانا
وێ ژنا کورد د مەترسیێ دایە و نوژداران بۆ ڕاگەهاندیە کو ئیلتیهابا خۆینێ هەیە و
هەیا نها و پشتی ئەنجامدانا نشتەرگەریێ بێ هۆشە".
بەریا نها نووچەگەهانێ ئێن ئاڕ تی لسەر سنورێ بیلاروسیا
و پۆلەندا ڕاگەهاند، ئەڤینا ٣٨ سالی ژنەکا کوردە و ئێکە ژ وان کۆچبەرێن لسەر سنورێ
بیلاروسیا، کو ساخلەمیا وێ تێکچوویە و ژیانا وێ د مەترسیێ دایە.
ئەڤین عیرفان زاهر هەڤئاوایی وان کۆچبەرێن دیێن لسەر
سنورێ بیلاروسیا سەرما گەهشتیێ و بوویە سەدەم زارۆیێ وێ د زکیدا ژیانا خۆ ژ دەستبدەت.
ئەڤین خەلکا دهۆکێیە و د نهادا ل نەخۆشخانەیا سەر سنوریە،
شەڤا دەربازبووی ب بێهوشی گەهاندیە نەخۆشخانێ.
دەربارەی رەوشا ساخلەمیا ئەڤینێ ئەرسەلان بەکر تایبەت بۆ
ئێن ئاڕ تی بەحسا وێیەکێ کر، زێدەباری ژیان ژ دەستدانا زارۆیی د زکی دا، ژیانا ئەڤینێ
بخۆژی د مەترسیێ دایە.
دەمەکە دیاردەیا کۆچا وەلاتیێن هەرێمێ بۆ وەلاتێن ئەوروپا
ب مەرەما دابینکرنا ژیانەکا خۆشتر و پاشەرۆژەکا باشتر بۆ خۆ و زارۆیێن خۆ بەرەڤ زێدەبوونێ
دایە. ئەو کۆچبەر بەحسا وێیەکێ دکەن، بسەدەمێ دژواریا ژیانێ نەبوودەلیڤەیێن کاری و
دامەزراندنێ و خرابیا رەوشا ئابووری و ژکارکەفتنا پتریا کەرتێن ژیانێ بەرەڤ وەلاتێن
ئەوروپی دچن ب وێ رێیا دژوار.
کۆچا ئەڤجارە یا وەلاتیێن هەرێمێ جودایە و ب زارۆ و گەنج
و پیران لسەر سنورێ بیلاروسیایە.
ل چەند رۆژێن دەربازبووی زارۆیەک و سنێلەیەکێ ١٤ سالی بسەدەمێ
سەرمایێ لسەر هەمان سنور ژیانا خۆ ژ دەستدا.
ئەڤە ددەمەکیدایە، پێلا کۆچبەرێن ئاسیایی و ئەفریقی ب رێیا
وەلاتێ بیلاروسیا بۆ ئێکەتیا ئەوروپا ئاریشە دناڤبەرا پەیوەندیێن دناڤبەرا وی وەلاتی
و ئێکەتیا ئەوروپا دروستکریە. لدویف راپۆرتێن رۆژنامەڤانی، ئێکەتیا ئەروپا د وێ
هزرێ دایە سزایێ سەر بیلاروسیا دژوارتر بکەت.