AM:09:43:22/06/2025
1384 جار خوێندراوەتەوە
+
-
وەزیرێ دەرڤەیێ ئیرانێ راگەهاند، ئەڤ پێشێلکاریێت ئەمریکا دێ لێکەفتێن گران
هەبن و هەمی بژاردەیەکێ دێ هەلبژێریت بوو خاترا بەڕەڤانیکرن ل سەروەریا ولاتێ
خۆ، نوێنەرێ رێبەرێ ئیرانێ ژی دبێژیت، پێدڤییە دەرتەنگێ هورمز بهێتە گرتن.
ئەڤرۆ ئێ کشەمبی، عەباس عێراقچی، وەزیرێ دەرڤەیێ ئیرانێ بەلاڤکر، ئەمریکا ب
هێرشکرنە سەر سازیێن ئەتۆمیێن ئیرانێ، پێشێلکاریەکا جددی د پەیماننامەیا
نەتەوەیێن ئێکگرتی، یاسایێن نێڤدەولەتی و پەیمانا قەدەغەکرنا بەلاڤبوونا چەکێ
ئەتۆمی، ئەنجامدایە.
گوت ژی، هێرشێن سپێدەهیا ئەڤرۆ ژلایێ ئەمریکاڤە لێکەفتیێن گران دێ هەبن و ل
دیف پەیماننامەیا نەتەوەیێن ئێکگرتی، رێک ب هەر ولاتەکی دهێتە دان بەرسڤەکا رەوا
هەبیت و بەڕەڤانیێ ژ خۆ بکەت، ئیران ژی هەمی بژاردەیەک هەنە بۆ بەڕەڤانیکرن ژ
سەروەریا خۆ.
د هەمان دەمدا، حوسێن شەریعەتمەداری، نوێنەرێ رێبەرێ ئیرانێ رێڤەبەرێ
رۆژنامەیا کەیهان، بەلاڤکریە، " نها دەمێ مەیە ببێ ژ دەستدانا دەمی و وەکی ئێکەم
پینگاڤ، کەشتیێن دەریایێن ئەمریکا ل بەحرێن مووشەکباران بکەین" .
نوێنەرێ رێبەرێ ئیرانێ ئاماژە ب وێیەکێ ژیکر، کو پێدڤییە دەرتەنگێ هورمز ب رویێ
کەشتیێن ئەمریکا، بەریتانیا، ئەلمانیا و فەڕەنسا دا بهێتە گرتن.
ئارتێشآ ئیرانێ ژی د بەیاننامەیەکێ دا گەفێن توند ل ئەمریکا کرن و گوت، دێ
هەمی بەرژەوەندیێن ئەمریکا ل رۆژ هەلاتا ناڤەڕاست کەینە ئارمانج و پێدڤییە ئەمریکا
ل هیڤێا سزایێن توند بیت.