AM:11:58:14/06/2025
440 جار خوێندراوەتەوە
+
-
ماموستا رێبەر رێڤەبەرێ
حەج و عومرەیا دهۆکێ بۆ ئێن ئاڕ تی راگەهاند، بڕیارە هەمی حەجیێن پارێزگەها دهۆکێ یێن
کو ب رێکا ئەسمانی سەرەدانا سعودیا کرین دێ ب رێکا هشکاتیێ هێنە ڤەگەراندن.
ئەڤرۆ شەمبی، ماموستا رێبەر
رێڤەبەرێ حەج و عومرەیا دهۆکێ بۆ ئێن ئاڕ تی راگەهاند، هژمارا حەجیێن دهۆکێ 916
حەجی بوون 384 ژوان ب رێکا هشکاتیێ و 532 کەسان ژی ب رێکا ئەسمانی گەشتکریە بۆ
ولاتێ سعودیە.
ئاماژە ب وێیەکێ ژیکر،
ئەو 532 حەجیێن ب رێکا ئەسمانی دگەل وان 384 حەجیێن ب رێکا هشکاتیێ گەشتکرین، ژبەر
ئالۆزیێن دەڤەرێ دێ ب رێکا هشکاتیێ بۆ دهۆکێ هێنە ڤەگەراندن.
ئەو یەکژی بەرچاڤکر، هەمی
حەجیێن دهۆکێ ب سلامەتن و پرۆسەیا حەجکرنێ ب سەرکەفتی و بێ ئاریشە برێڤەچوو.
ئەڤە ژی د دەمەکێدایە، پشتی
هێرشێن مووشەکیێن ئیسرائیلێ و ئیرانێ، وەزارەتا ئەوقافا هەرێمێ ب هەڤبەندی دگەل
دەستەیا حەج و عومرەیا عێراقێ بڕیاردان، ئەو حەجیێن ب رێکا ئەسمانی گەشتکرین بۆ سعودیە
ب رێکا هشکاتیێ ڤەگەرینن.