سەرنووچە:

سودانی: رەتدکەین ئاخا و ئەسمانێ عێراقێ بۆ هێرشکرنا سەر ولاتێن جیران بهێتە بکارئینان

PM:08:32:13/06/2025

924 جار خوێندراوەتەوە

+ -

سەرۆک وەزیرانێ عێراقێ دبێژیت، رەتدکەین ئاخا و ئەسمانێ عێراقێ بۆ هێرشکرنا سەر ولاتێن جیران بهێتە بکارئینان، بەپرسێ بالیۆزخانەیا ئەمریکا ژی ب سودانی گوتیە ولاتێ وی ناهێلیت عێراق بکەڤیتە دناڤ ململاناندا.

ئەڤرۆ ئەینی، نڤیسینگەها سەرۆک وەزیرانێ عێراقێ بەلاڤکریە، محەمەد شیاع سودانی،سەرۆک وەزیرانێ عێراقێ دگەل ستیڤن ڤاگن، ڤەگۆهاستکارێ کاروبارێن بالیۆزخانەیا ئەمریکا ل بەغدا و جەنەڕال کیڤم لیهی، فەرماندەیێ هێزێن هەڤپەیمانییا دژی داعش کۆمبوو.

سودانی د کۆمبوونێ دا راگەهاندییە، هێرشێن ئیسرائیلێ دەڤەرێ و جیهانێ د ئێختە مەترسیێ.

بەحسا وێێەکێ ژیکر، عێراق ماف و بەرپرسیارەتی هەیە پارێزگاریێ ل سەروەریا خۆ بکەت و حکومەت هەمی رێکارێن یاسایی بۆ ڤێ چەندێ دێ گریتە بەر.

رۆژنامەیا سەباح ژی یا سەر ب حکومەتا عێراقێ بەلاڤکریە، ڤەگۆهاستکارێ کاروبارێن بالیۆزخانەیا ئەمریکا ل بەغدا گوتیە ئەمریکا رێکێ نادەت عێراق بکەڤیتە دناڤ شەڕ و ململانان ئەڤەژی ل دیف رێکەفتنا ستراتیژیا دناڤبەرا عێراق و ئەمریکا دایە.

راگەهاند ژی، عێراق ل ئەنجومەنێ ئاسایشا نەتەوەیێن ئێکگرتی دێ سکالایێ ل دژی بکارئینانا ئەسمانێ ولاتێ وی تۆمارکەت د ساکالایێ دا بەغدا تەکەزێ دکەت، کو ئەڤ کارە پێشێلکاریەکا ئاشکەرایا سەروەریا عێراقێ یە.

گەلەری