AM:11:42:26/07/2021
2328 جار خوێندراوەتەوە
+
-
ژێدەرەکی ژ وەزارەتا دارایی بۆ ئێن ئاڕ تی ڕاگەهاند، خشتەیێ نوی یێ مووچەی
ژ ئەڤرۆ کو ب وەزارەتا ساخلەمیێ دەستپێدکەت و سوبەهی ژی مووچەیێ وەزارەتا پێشمەرگە
و دارایی و یەکەیێن حەفتێ و هەشتێ دێ هێتە پارڤەکرن.
ئەڤرۆ
دووشەمبی، ژێدەرەکی ژ
وەزارەتا دارایی بۆ ئێن ئاڕ تی ڕاگەهاند، ل گورەی خشتەیێ نوی یێ مووچەی، و سوبەهی
ژی مووچەیێ وەزارەتا پێشمەرگە و دارایی و یەکەیێن حەفتێ و هەشتێ دێ هێتە پارڤەکرن.
دوهی
ژێدەرەکی ژ وەزارەتا داراییا هەرێمێ پارڤەکرنا مووچەی د ئەڤرۆ دا پشتڕاستکر و ڕاگەهاند،
وەزارەتا ساخلەمیێ وەک ئێکەم وەزارەت دێ مووچەی وەرگرن، بڤێ یەکێ ژی پشتی سالەک و
مەهەک و چار رۆژان حکومەتا هەرێمێ دێ مووچەی ب بێ لێبڕین پارڤەکەت.
دوهی د
گوتارەکێ دا مەسرور بارزانی سەرۆکێ حکومەتا هەرێما کوردستانێ ڕاگەهاند،
"بڕیارا جڤاتا بلندا ئابوری، کو ژ ڤێ مەهێ ب بێ لێبڕین مووچە بهێتە پارڤەکرن،
ئەگەر حکومەتا عێراق لسەر هنارتنا پارەی بۆ هەرێمێ بەردەوامبیت".
پشتی
بڕیارا سەرۆکێ حکومەتێ،ئاوات جەناب وەزیرێ دارایێ هەرێمێ بۆ میدیایێن حزبا
خۆ ڕاگەهاند، "بڕیارا لادانا لێبڕینا مووچەیێ مووچەخۆران جێبەجێکرنا سوزا
حکومەتا هەرێمێ بوو".
چەند مەهان
بەریا نها و دەستپێکا ئەڤسالە شاسوار عەبدلواحید سەرۆکێ ڤەلڤینا نەوەی نوێ د
پۆستەکیدا ڕاگەهاندبوو، کو ئێدی هەلبیژارتن نێزیکن و دگەل نێزیکبوونا هەلبژارتنان
هەمی مەهەکێ دێ مووچە هێتە دان و پاشکەفت ژی دێ هێتە لادان.
وەک ئاماژەیەکێ
بۆ ڤان بڕیارێن دەستهەلاتێ کو بەردەوام بەری هەلبژارتنان کو ب گوتنا سەرۆکێ نەوەی
نوێ، دەستهەلات هزرا وەلاتیان دکەت و پشتی هەلبژارتنان ژی خەلک ژ بیرێ دچن.
هەر پشتی
بڕیارا حکومەتێ، ئەبوبەکر هەلەدنی ئەندامێ پەرلەمانێ کوردستانێ ل فراکسیۆنا
یەکگرتوو د ڕاگەهاندنەکێدا ئاماژە ب وێیەکێ کریە، لادانا دزینا مووچەی نە
دەستکەفتە نە مزگینی ڤەگەراندنا و راکرنا زولمەکێیە و چار سەدەم ل پشت لادانا
لێبڕینا مووچەی هەنە.
د درێژیا
ڕاگەهاندنا ویدا ئاماژە ب سەدەمێن ب داوی ئینانا مووچەی دکەت و دبێژیت، چ هێجەتەک
نەمایە بۆ لێبڕینێ بسەدەمێ هنارتنا ٢٠٠ ملیارێن بەغدا و بلندبوونا بهایێ پەتڕۆلێ و
زێدەبوونا داهاتێ ناڤخۆ.
دبێژیت ژی،
بۆ پێدانا رەوایەتیێ بۆ بوویەرێن سلێمانیێ و ژبیربرنا وێ رەوشێ و بێژن ئەڤە شینوار
و مفایە بۆ خەلکی دەرکەفت.
د درێژیا
ڕاگەهاندنا ویدا، بەحسا نێزیکبوونا هەلبژارتنێن بەروەخت یێن پەرلەمانێ عێراقێ ژی
دکەت کو سەدەمەکە بۆ لادانا لێبڕینا مووچەی دزانیت.
داوی سەدەم
ژی ئەشکەرا کریە، کو گڤاشتنێن پارتی بوون، ب وێیەکێ کو ئێکەتی چەند بڕیە ژ داهاتی
پارتیژی دێ هندێ بڕیت.
ل داوی ژی
دبێژیت، دەستهەلاتا نەبەرپرسیار و کۆێلە، داهاتێ ملەتی و مووچەیەکێ ب یاسا رێکخستی
ب دەستکەفت و مزگینی دفرۆشیت.
ئەڤە
ددەمەکیدایە دەستهەلاتدارێن حکومەتا هەرێمێ هەمی جاران و ل دەمێ نێزیکبوونێ ل
هەلبژارتنان بڕیارێن جودا ددەن و بەریا نها ژی سالا ٢٠١٨ێ هەمان کارکریە و دوو
مەهان بەریا هەلبژارتنان کێشەیا مووچەی چارەسەرکر.
بڕیارا
لێبڕینا مووچەی ل ٢١ی حوزەیرانا ٢٠٢١ێ ژ ئالیێ کابینەیا نەهێ ڤە هاتبوو دان و پشتی
ئێک سال و مەهەک و چار رۆژان بڕیارا لێبڕینا مووچەی هەلوەشیا.