PM:02:50:18/05/2025
832 جار خوێندراوەتەوە
+
-
پشتی 17 رۆژان ژ دانا
خوینێ ب شاشی ژنەکێ ل زاخۆ شەڤا دەربازبووی ژیانا خۆ ژدەستدا و کەسوکارێن ێ ژنێ ژی
دبێژن، دێ سکالایێ لسەر توهمەتباران تۆمارکەن و ب وێ سەدەمێ ژی نوژدار ژکاری هاتیە
لادان و دوو هاریکارێن وی ژی هاتینە سرکرن.
ئەڤرۆ شەمبی، کەسوکارێ
شیلان ئیسماعیل وێ ژنا ل 1ـی ڤێ هەیڤێ ل نەخۆشخانەیەکا زاخۆ ب شاشی خوین پێ هاتیە
دان و بوویە سەدەمێ ژیان ژ دەستدانا وێ راگەهاندن، خوینا شیلانێ B+ بوویە، لێ خوینا A+ پێ هاتیەدان و بوویە سەدەمێ
ژیانا ژ دەستدانا وێ و پشتی بەهیێ دێ دیفچوونێن زێدەتر کەن دەربارەی ئەگەرێن وێ
شاشیێ و دێ سکالایێ وان کەسان تۆمار کەن کو کێم خەم بووینە.
ئاماژە ب وێ یەکێ ژی
کرن، پشتی کو نوژداران داخازا خوینێ ژ وان کر، نڤیسارەکا فەرمی ژی دایە وان بۆ
بەنکا خوینێ، پشتی وان خوین بۆ شیلانێ ئینای کارمەندێن بەنکا خوینێ ب وان گوتن کو
نوژداری هایدار بکەن ژ جوداهیا خوینا داخازکری و خوینا نەخۆشێ، لێ نوژداری گوتیە، "ئەو
کارێ وانە و باشتر دزانن".
ئەو یەکژی بەرچاڤکرن،
پشتی بەهیێ دێ دیفچوونێن زێدەتر کەن و دێ سکالایێ ژی لسەر کەسێن کێم خەم تۆمارکەن.
هەڤدەم، نووچەگەهانا ئێن
ئاڕ تی زەلال کر، داخازکەرێ گشتی ل زاخۆ سکالا لسەر نوژدار و ستافێ نەشتەرگەریێ
کریە و دێ دەنە دادگەهێ.
ئەشکرا ژی کر، گرێبەستا
نوژدارەکی هاتیە هەلوەشاندن ل وێ نەخۆشخانەیێ و دوو هاریکارێن وی هاتینە سڕکرن.