PM:04:13:13/05/2025
868 جار خوێندراوەتەوە
+
-
وەزارەتا داراییا
حکومەتا رێڤەبرنا کاران لیستا مووچەیێ هەیڤا چار بەلاڤکر، لدویف وێ لیستێ ژی،
سوبەهی چارشەمبیێ مووچەیێ وەزارەتێن خانەنشینێن شارستانی و خودان پێدڤیێن تایبەت و
زیندانیێن سیاسیی و بەرکەفتیێن کیمیابارانێ و کەسوکارێن شەهیدان و ئەنفالکریان دێ
هێتە دابەشکرن.
ئەڤرۆ سێشەمبی، وەزارەتا دارایی و ئابووری یا حکومەتا
رێڤەبرنا کاران، لیستا مووچەیێ هەیڤا چار یێ مووچەخۆرێن هەرێمێ بەلاڤکر و تێدا
هاتیە، سوبەهی چارشەمبیێ دێ دەست ب دابەشکرنا مووچەیی هێتە کرن و رۆژا ئێکشەمبی
١٨ـی ئایارێ دێ ب داوی هێت.
هەڤدەم، لدویف وێ لیستێ،
سوبەهی چارشەمبی ١٤ـی ئایارێ:
دێ مووچەیێ خانەنشینێن
شارستانی و خودان پێدڤیێن تایبەت، زیندانیێن سیاسی و بەرکەفتیێن کیمیابارانێ و
کەسوکارێن شەهیدان و ئەنفالکریان هێتە دابەشکرن.
رۆژا پێنج شەمبی ١٥ـی
ئایارێ:
مووچەیێ وەزارەتا کاروبارێن
شەهیدان و ئەنفالکریان و پەروەردە و دارایی و دەستەیا دەستپاکی و دەستەیا وەبەرئینانێ
و دەستەیا ژینگەهێ، دەزگەهێ مین و دەڤەرێن دەرڤەی هەرێمێ و کۆمسیۆنا بلندا
هەلبژارتنان و دیوانا چاڤدێریا دارایی، مافێ مرۆڤی و ئاڤەدانکرن و ئاکنجیکرن و
ساخلەمی، ناڤخۆ، داد و جڤاتا دادوەری و پلاندنانا بازرگانیا پیشەسازی، سامانێن
سروشتی، ڤەگۆهاستن و گەهاندن و چاندن و ژێدەرێن ئاڤی و باژێرڤانی و گەشت و گوزار.
رۆژا ئێکەشەمبی ١٨ـی
ئادارێ:
دێ مووچەیێ
وەزارەتا کاروبارێن جڤاکی و رۆشنبیری و لاوان، کارەب و ئەوقاف و
کاروبارێن ئاینی، خاندنا بلند و ڤەکۆلینێن زانستی و سەرۆکاتیا پەرلەمانی و
سەرۆکاتیا جڤاتا وەزیران، سەرۆکاتیا هەرێمێ و پێشمەرگە (دیوان، لیوا) و یەکەیێن ٧٠
و ٨٠ و پۆلیسێن سازیێن پەترۆلی، جڤاتا ئاسایشێ و دەزگەهێ ئاسایشێ، هێزا زێرەڤانی و
فەرماندەیا بەرەڤانیا لهەوارهاتنێ هێنە دابەشکرن.
