PM:05:28:22/04/2025
744 جار خوێندراوەتەوە
+
-
ژ دەستپێکا سالا دەربازبووی
ڤە تا نها ل سنورێ دهۆکێ 121 بنپێکاری ل هەمبەر رۆژنامەڤانێن سنورێ دهۆکی
هاتینەکرن کو 21 ژ وان دژی نووچەگەهانێن ئێن ئاڕ تی بوویە.
ئەڤرۆ سێشەمبی، 127 سال
بسەر دەرچوونا ئێکەم رۆژنامەیا کوردی دەربازبوون، نووچەگەهانێ ئێن ئاڕ تی راگەهاند،
د چار هەیڤێن دەستپێکا ئەڤسالە دا ل سنورێ دهۆکێ 18 بنپێکاری ل هەمبەر رۆژنامەڤانان
هاتینەکرن.
ئاماژە ب وێ یەکێ ژی کر،
ژ وێ ژمارەیێ ژی پێنج بنپێکاری ل دژی نووچەگەهانێن ئێن ئاڕ تی بووینە.
ئەو یەکژی بەرچاڤکر، ل
سالا 2024ـێ 103 بنپێکاری ل هەمبەر رۆژنامەڤانێن سنورێ دهۆکێ هاتینە تۆمارکرن و 16
ژ وان دژی نووچەگەهانێن ئێن ئاڕ تی بوویە، ب ڤێ یەکێ ژی د هەیاما سالەک و چار
هەیڤان دا 121 رێگری و بنپێکاری ل هەمبەر رۆژنامەڤانێن دهۆکێ هاتینەکرن کو 21 ژ
وان دژی ئێن ئاڕ تی بووینە.
ئەڤە د دەمەکی دایە،
زێدەباری کو چەندین جاران بەرپرسێن پارتی دبێژن، ئازادیا بۆچون و رۆژنامەڤانی ل
دهۆکێ ژ هەر جهەکێ دی باشتر و زێدەترە، لێ دەهان رۆژنامەڤان و چالاکڤانێن بەهدینان
هاتینە دەستەسەرکرن و زیندانیکرن و تا نها بەشەکا وان د زیندانێ دا ماینە ژ وان
ژی، ئومێد بەرۆشکی و شێروان شێروانی و قەهرەمان شوکری.