PM:04:12:22/04/2025
212 جار خوێندراوەتەوە
+
-
سەرۆکا فراکسیۆنا نەوەی نوێ دژی یاسایا ئیمتیازاتا پاسپۆرتا
دیبلۆماسی ل دادگەها فیدرالی سکالا تۆمارکر.
ئەڤرۆ سێشەمبی، سروە عەبدولواحید سەرۆکا فراکسیۆنا نەوەی
نوێ ل پەرلەمانێ عێراقێ راگەهاند، هەمی وەلاتی ل هەمبەر یاسایێ یەکسانن و ئیمتیازا
پاسپۆرتا دیبلۆماسی بەروڤاژی دەستور و یاسایێ یە.
ئاماژە ب وێ یەکێ ژی کر، ژبەر بنپێکاریێن دەستوری و یاسایێن
خۆ وان ئالنگاریا سەرراستکرنا یاسایا پاسپۆرتا نیڤدەولەتی کر، گوت ژی، هەر
بەرپرسەکی ل دەمێ ئەرکەکێ گشتی پێ دهێتەدان، دگەل تەمام بوون و نەمانا وی ل وی
ئەرکی دڤێت دەستبەرداری هەمی ئیمتیازان بیت، ب پاسپۆرتا دیبلۆماسی ڤە ژی، کو لدویف
ڤێ سەرراستکرنێ بۆ هەتا هەتایێ دێ ب وی و خێزانا وی هێتەدان.
ئەو یەکژی بەرچاڤکر، پێدڤیە پاسپۆرتا دیپلۆماسی بتنێ ل
دەمێ هەبوونا پۆستی ب بەرپرسان بهێتەدان و پشتی ب داوی هاتنا ئەرکێ وان لێ بهێتە
وەرگرتن.
بەحسا وێ یەکێ ژی کر، ئەگەر پاسپۆرتا دیبلۆماسی ژ وی بەرپرسی
نەهێتە وەرگرتن ل دەمێ تەمام بوونا ئەرکێ وی ب بنپێکاریەکا ئەشکرا یا ماددەیێ 14ـێ
دهێتە دانان، کو دبێژیت، هەمی عێراقی ل هەمبەر یاسایێ یەکسانن بێ جوداهیا رەگەزی، نەتەوەیی،
رەنگ، ئاین، مەزهەب، باوەری، نێرین، پێگەهی ئابووری یان جڤاکی.
