PM:04:28:29/03/2025
660 جار خوێندراوەتەوە
+
-
وەزارەتا کارەبێ
راگەهاند، ل رۆژێن جەژنا رەمەزانێ رۆژانە 18 – 20 دەمژمێران کارەب دێ ب وەلاتیان هێتەدان.
ئەڤرۆ شەمبی، وەزارەتا
کارەبا حکومەتا رێڤەبرنا کاران راگەهاند، ل هەرسێ رۆژێن جەژنا رەمەزانا پیرۆز ب
پست گرێدان ب نێزیکی چار هزار مێگاواتێن کارەبێ، رۆژانە 18 – 20 دەمژمێران کارەب
دێ ب وەلاتیان هێتەدان.
ئاماژە ب وێ یەکێ ژی کر،
زێدەتری حەفت هزار كرێكار و فەرمانبەرێن كارەبێ ل ڕێڤەبەریێن كۆنترۆلا
كارەبا هەرێمێ و كۆنترۆلا كارەبا پارێزگەهان و وێستگەهێن بەرهەمئینان و ڤەگوهاستن
و دابەشكرنا كارەبێ و سەخبێریێ و پۆلیسێن كارەبێ ل هەمی پارێزگەهـ و ئیدارەیێن
سەربەخۆیێن هەرێمێ ب ئاوایێ نوبەدار دێ د خزمەتا ولاتیان دابن.