PM:05:52:26/03/2025
396 جار خوێندراوەتەوە
+
-
پەرلەمانێ عێراقێ د روینشتنا ئەڤرۆ دا دێ دەنگی لسەر پرۆژە یاسایا ب
پارێزگەهبوونا هەلەبجە دەت کو دوهی ژبەر تەمام نەبوونا نیسابا یاسایی، ئەو روینشتنە
هاتە پاشخستن بۆ ئەڤرۆ.
ئەڤرۆ چارشەمبی،
دەمژمێر ٨ـی ئێڤاری، پەرلەمانێ عێراقێ دێ کۆمبیت ب مەرەما دەنگدانێ لسەر چەند پرۆژە
یاسایان، لدویف وێ کارنامەیێ کو ژلایێ فەرمانگەها کاروبارێن پەرلەمانێ عێراقێ
بەلاڤکریە، د بڕگەیا ئێکێ یا وێ روینشتنێ دا دەنگدان لسەر پرۆژە یاسایا ب
پارێزگەهبوونا هەلەبجە دهێتە دان.
ئەو پرۆژە یاسایە ژلایێ هەردوو لژنەیێن (یاسایی) و (هەرێمان و پارێزگەهێن
نە رێکخستی د کڤانێ هەرێمێ دا) بەرهەڤکریە.
ئەڤە ژی د دەمەکێدایە، بەری نها دوو خاندن بۆ پرۆژە یاسایا ب پارێزگەهبوونا
هەلەبجە هاتینە کرن و بتنێ دەنگدان لسەر وی پرۆژەی مایە.
هەروەسا، بڕیارا
دەنگدانێ لسەر ب پارێزگەهبوونا هەلەبجە ژی پشتی بزاڤێن نەوەی نوێ دهێت، کو زێدەتری
١٧ نڤیسار کرین و داخاز ژی ژ سودانی کربوو ب زوویترین دەم هەلەبجە بکەنە پارێزگەهـ.
هەڤدەم، ل دەستپێکا
ئەڤسالە ژی د کۆمبوونا دگەل مەحمود مەشهەدانی سەرۆکێ پەرلەمانێ عێراقێ شاسوار عەبدولواحید
سەرۆکێ ڤەلڤینا نەوەی نوێ داخاز کر کو ئەو پرۆژە یاسایە بچیتە پەرلەمانی و دەنگ لسەر
بهێتە دان.
