PM:12:46:25/03/2025
680 جار خوێندراوەتەوە
+
-
وەزارەتا ساخلەمیا
عێراقێ ڕاگەهاند، بەرهەڤیێن تەمام هاتینەکرن بۆ پلانێن جەژنا رەمەزانێ بۆ
پێشکێشکرنا باشترین خزمەتگوزاریێن نوژداری و ساخلەمی و خۆ پارێزیێ داکو ئەو
وەلاتیێن سەرەدانا جهێن گشتی دکەن ل رۆژێن جەژنێ ساخلەم بن.
ئەڤرۆ سێشەمبی، سالح مەهدی حەسناوی وەزیرێ ساخلەمیا عێراقێ
راگەهاند، وەزارەت و رێڤەبەریێن ساخلەمیێ بەرهەڤیێن تەمام کرینە بۆ دابینکرنا
ئومبۆلانسێن هەوارهاتنێ و دەرمان و پێدڤیێن نوژداری و ب درێژاهیا رۆژێن جەژنێ دێ
بەردەوام بن ژ کارکرنێ و دێ بەرهەڤ بن بۆ هەر حالەتەکێ نەخاستی.
ئاماژە ب وێ یەکێ ژی کر،
هەمی کارێن وان ب هەڤبەشی دبن دگەل هێزێن ئەولەهیێن بەغدا و هەمی پارێزگەهێن دی.
ئەو یەکژی کر، هەمی
نەخۆشخانە و ب تایبەت پشکێن هەوارهاتنێ 24 دەمژمێران دێ د ئامادەباشیێ دا بن، هەروەسا
دڤێت نوژدار و پسپۆرێن ساخلەمیێ و پەرستار پێگیری دەمێ دەوامێ بن.