PM:10:49:24/03/2025
112 جار خوێندراوەتەوە
+
-
لدیف زانیاریێن ئێن ئاڕ تی، د دویماهی دەرخستەیا هەیڤانە دا یا وەزارەتا
داراییا حکومەتا رێڤەبرنا کارێن هەرێمێ کو هەڤپێچە دگەل لیستا مووچەی بتنێ ٤٨
ملیار دینار ڕادەستی وەزارەتا داراییا عێراقێ کرینە، دەمەکی دا کۆما گشتییا داهاتێ
ناڤخۆیێ هەرێمێ بۆ هەیڤا دوو زێدەتر بوویە ژ ٢٨٠ ملیار دیناران.
ئەڤڕۆ دووشەمبی ٢٤ـێ
ئادارێ، لدیف زانیاریێن نووچەگەهانێ ئێن ئاڕ تی، وەزارەتا داراییا حکومەتا رێڤەبرنا
کارێن هەرێمێ ئاماژە ب وێیەکێ دایە، کۆما گشتییا داهاتێ ناڤخۆیێ هەرێمێ بۆ هەیڤا
دوو زێدەتر بوویە ژ ٢٨٠ ملیار دیناران.
ئاماژە ب وێیەکێ ژیکر، دڤێت لدیف رێککەفتنا ناڤبەرا هەرێمێ و بەغدا، هەرێم
هەیڤانە ٥٠٪ یا داهاتێ ناڤخۆ ڕادەستی وەزارەتا دارایا عێراقێ بکەت، لێ حکومەتا
رێڤەبرنا کاران بتنێ ٤٨ ملیار دینارا ڕادەستکرینە.
بەحسا وێیەکێ ژیکر، هەیڤانە دروست ڕادەستنەکرنا داهاتێ ناڤخۆ ب بەغدا دبیتە
ئەگەر ژبووی وێ یەکێ مووچەیێ مووچەخۆرێن هەرێمێ گیروببیت.
هەروەسا، ئەڤ چەندە بوویە ئەگەر کو وەزارەتا داراییا عێراقێ لێپێچینێ ژ
داهاتان بکەت و داخازێ ژ وەزارەتا داراییا حکومەتا رێڤەبرنا کارێن هەرێمێ بکەت و
پشت ڕاستبیت ژ ڕادەستکرنا داهاتێ ناڤخۆ بۆ هەیڤاێن داهاتی لدیف رێکەفتنا ناڤبەرا
هەردوو ئالیان کو نابیت کۆژمێ ٨٠ ملیار دینار کێمتر ڕادەستی بەغدا بهێتە کرن.