PM:01:20:23/03/2025
2356 جار خوێندراوەتەوە
+
-
وەزارەتا دارایی و
ئابووریا حکومەتا رێڤەبرنا کاران راگەهاند، رێکارێن وەرگرتنا پارەیێ مووچەیێ هەیڤا
ئادارێ یێ فەرمانبەران ل قۆناغا داویێ یە و دهێتە چاڤەرێکرن د نێزیکترین دەم دا تەمویلا
مووچەیێ هەیڤا ئادارێ ژلایێ وەزارەتا داراییا حکومەتا عێراقێ ڤە بهێتەکرن و پارەی
بۆ سەر هژمارا بەنکیا وان بهنێریت.
ئەڤرۆ ئێکشەمبی، وەزارەتا
داراییا حکومەتا رێڤەبرنا کارێن هەرێمێ راگەهاند، هەیاما پێنج رۆژانە تیما
تەکنیکیا وەزارەتا داراییا حکومەتا رێڤەبرنا کارێن هەرێمێ ب مەرەما تەمامکرنا
رێکارێن هنارتنا مووچەیێ هەیڤا ئادارێ ل بەغدانە.
ئاماژە ب وێ یەکێ ژی کر،
د نها دا ئەو تیمە دگەل فەرمانگەها بودجە و ژمێریاریا وەزارەتا حکومەتا فیدرالی د
قۆناغا دویماهیێ دانە بۆ هنارتنا مووچەیێ هەیڤا ئادارێ یێ فەرمانبەر و مووچەخۆرێن
هەرێمێ.
ئەو یەکژی بەرچاڤکر،
هەمی رێکار د قۆناغا داویێ دانە و دهێتە چاڤەرێکرن د نێزیکترین دەم دا پارەیێ مووچەیێ
هەیڤا دوو بۆ سەر هژمارا بەنکیا وەزارەتا وان بهێتە هنارتن.
ئەڤە د دەمەکی دایە، ژێدەرەکی ژ وەزارەتا
داراییا عێراقێ بۆ ئێن ئاڕ تی راگەهاند، هویرینیا لیستا مووچەی ژ دوهی ڤە تەمام
بوویە و بتنێ ئیمزایا وەزیرا داراییا عێراقێ مایە بۆ خەرجکرنا پارەیێ مووچەیێ ڤێ هەیڤێ.