PM:01:24:12/02/2025
520 جار خوێندراوەتەوە
+
-
سەرۆکێ جڤاتا
بلندا بەرژەوەندیێن یەکێتی راگەهاند، د هەیاما دەربازبووی دا وان حکومەتا رێڤەبرنا
کاران هەبوویە، دبێژیت ژی، گوتوبێژێن پارتی و یەکێتی لسەر پێکئینانا حکومەتێ ب
داوی هاتیە و ئەوا مای بڕیار لسەر بهێتەدان.
ئەڤرۆ چارشەمبی،
جەعفەر مستەفا سەرۆکێ جڤاتا بلندا بەرژەوەندیێن یەکێتی د چاڤپێکەفتنەکێ دا راگەهاند،
د هەیاما دەربازبووی دا ڤالاهیەکا یاسایی ل هەرێما کوردستانێ دروستبوو، پەرلەمان
نەبوو، حکومەتا رێڤەبرنا کاران هەبوو، پێدڤیە حکومەت خەلکی ئاشت بکەت.
ئاماژە ب وێ
یەکێ ژی کر، پێدڤیە کابینەیا دەهێ هەمی هەمی کێموکوریان دەستنیشان بکەت کو ل
کابینەیا نەهێ و یا بەری وێ هەبوون.
دەربارەی
کۆمبوونا پارتی و یەکێتی ئەو یەکژی بەرچاڤکر، لژنەیا هەڤبەش کارێ خۆ تەمام کریە و
ئەوا مای شاندێن بلندێن دانوستاندکار کۆمبن و بڕیارێ لسەر وێ پرسێ بدەن.
تەکەزیێ ژی
دکەت، هەمی ئاریشەیێن دناڤخۆیا هەرێمێ دا هەبوون، دشیان دابوو ب ساناهی لسەر مێزێن
گوتوبێژان دانیشن و چارەسەریان گوتوبێژ بکەن، وان دشیا خزمەتا زێدەترا بکەن و
نەرەزایێن خەلکی نەگەهنە ئاستێ نها.