بەشەکا پرۆگرامێ خاندنا ئەڤسالە بۆ پولا 9 و 12ـێ هاتە کێمکرن

PM:07:41:06/02/2025

996 جار خوێندراوەتەوە

+ -

وەزارەتا پەروەردەیا هەرێمێ پرۆگرامێ بەشەکا وانەیێن خاندنێ بۆ تاقیکرنێن نشتیمانی یێن پولا 12ـێ ئامادەیی و نەهێ بنەرەتی کێم کر.

ئەڤرۆ پێنجشەمبی، وەزارەتا پەروەردەیا حکومەتا رێڤەبرنا کاران ڕاگەهاند، ب لبەرچاڤگرتنا رەوشا خاندەکاران بڕیار هاتەدان بەشەکا پرۆگرامێ وانەیان بۆ تاقیکرنێن گشتیێن پولا 12ـێ ئامادەیی و نەهێ بنەرەتی بۆ ئەڤسالە بهێتە کێمکرن.

لدویف بڕیارا وەزارەتا پەروەردێ بۆ پولا 12ـێ ئامادەیی، بەشەکا وانەیا کوردی، عەرەبی، ئینگلیزی، کیمیا، ڤیزیا، مێژوو، جوگرافیا و ئابووری دهێتە کێمکرن، بۆ پولا 9ـێ بنەرەتی بەشەکا وانەیێن کوردی و عەرەبی و بیرکاری و کۆمەلایەتی دهێتە کێمکرن.

ئەڤە د دەمەکی دایە، ئەڤسالە ژبلی بایکۆتکرنا دەوامێ ل بەشەکا خاندنگەهان ژبەر گیروبوونا مووچەی ژلایێ حکومەتا رێڤەبرنا کاران، مامۆستا ژی دبێژن، ژبەر چەند بێهنڤەدانان یێن وەک هەلبژارتن و سەرژمێری و بێهڤەدانێن سەرێ سالێ نەشیان وەک پێدڤی وانەیان بخینن.