AM:11:36:06/02/2025
1300 جار خوێندراوەتەوە
+
-
ب بۆنەیا ژیان ژ
دەستدانا وریا حەمەکەریم رۆژنامەڤانێ دیارێ کوردستانێ و کارمەندێ دامەزراوەیا
نالیا، دامەزراوەیا نالیا پەیامەکا سەرەخۆشێ بەلاڤکر و راگەهاند، پرسە و سەرەخۆشیێ
ل خۆ و کەسوکار و رۆژنامەڤانان دکەین، ژ دەستدانا وریا حەمەکریم درزەکا مەزن ل
دامەزراوەیا نالیا دروست دکەت.
ئەڤڕۆ پێنجشەمبی ٦ـێ شوباتێ، دامەزراوەیا نالیا د
پەیامەکا سەرەخۆشیێ دا راگەهاند، ب داخ و کەسەرەکا مەزن ڤە بەرێ سپێدەهیا ئەڤڕۆ
دەمژمێر ٥:٣٠ خولەک لسەر ڕێکا عەربەت – سلێمانی، د بوویەرەکا هاتن و چوونێ دا
پێشکێشکارێ دیارێ کەنالێ ئێن ئاڕ تی وریا حەمەکریم ژیانا خۆ ژ دەستدا.
ئاماژە ب وێیەکێ ژیکر،
وریا حەمەکەریم بەرکەفتیێ چەکێ کیمایی بوو، بابی وی شەهیدێ کیمیا بارانێ بوو ل
هەلەبجە، ئێک بوو ل ئێکانەیێن هەلەبجە، رۆژنامەڤانەکێ دیار و ب ئەزموونێ کەنالێ ئێن
ئاڕ تی بوو، دەمێ ١٢ سالان ل ئێن ئاڕ تی وەکو نووچەگەهان و پێشکێشکار بەردەوام بوو.
هەڤدەم، وریا حەمەکەریم
د ژیانا پیشەیا رۆژنامەڤانی دا رۆلەکێ بەرچاڤ هەبوو ب ڕەنگەکی دەهان دۆسەیێن گەندەلیێن
مەزن ئاشکرا کرن و لسەر دەهان سکالایان ل دادگەهێ سەرکەفتن ب دەست ڤەئینا کو لسەر
کارێ رۆژنامەڤانیێ لسەر هاتبوونە تۆمارکرن.
دامەزراوەیا نالیا
ئاماژە ب وێیەکێ ژیکریە، ژ دەستدانا وریا حەمەکریم درزەکا مەزن ل دامەزراوەیا
نالیا دروست دکەت و کەسەرەکا مەزنە بۆ مە و رۆژنامەڤانان، پرسە و سەرەخۆشیێ ژ خۆ و
کەسوکار و رۆژنامەڤانان دکەین و هیڤیا ئارامیێ بۆ هەمییان دخازین و ژ خودایێ مەزن
دخازین ب بەهشتا مەزن شاد بکەت.