هەمی تۆهمەتبارێن بوویەرا شەڤا بووری یا زاخۆ هاتنە دەستەسەرکرن

PM:05:29:24/01/2025

568 جار خوێندراوەتەوە

+ -

پۆلیسێن زاخۆ راگەهاند، دوو تۆهمەتبارێن بوویەرا شەڤا بووری یا زاخۆ هاتنە دەستەسەرکرن.

ئەڤڕۆ ئەینی ٢٤ـێ کانوونا دووێ، پۆلیسێن زاخۆ راگەهاند، شەڤا دەربازبووی وەلاتییەک ب ناڤێ (إ،ص،ع) ب چەقویێ ژلایێ چار کەسان هاتە کوشتن.

ئاماژە ب وێیەکێ کر، پشتی بوویەرێ پۆلیس گەهشتنە جهێ بوویەرێ شیان دوو ژ تۆهمەتباران دەستەسەر بکەن.

ئەو یەکی بەرچاڤکر، دوو تۆهمەتبارێن دیێن وێ بوویەرێ ئەڤڕۆ ژلایێ پۆلیسێن نەهێلانا گونەهباریا هاتنە دەستەسەرکرن و بڤێ یەکێ ژی هەمی تۆهمەتبار هاتینە دەستەسەرکرن.

راگەهاند ژی، د نوکە دا ڤەکۆلین لدیف بەندێ (٤٠٥) ژ یاسا سزای دگەل هەر چار تۆهمەتباران بەردەوامە.

ئەڤە دەمەکی دایە، دەمژمێر ١١:٤٣ شەڤا بووری ل سەنتەرێ ئیدارا زاخۆ وەلاتییەک ب ناڤێ (إ،ص،ع) د ژیێ (٣٥) سال دا، ب چەقویێ ژلایێ چار کەسان ڤە هاتە بریندارکرن، لێ ژبەر دژواریا برینا وی ژیانا خۆ ژ دەستدا.