PM:12:29:22/01/2025
80 جار خوێندراوەتەوە
+
-
وەزارەتا کارەبا عێراقێ
ڕاگەهاند، بەشەکا پرۆژەیێن بەرهەمئینانا کارەبێ ژ ئەنەرژیا رۆژێ تەمام بووینە و کەفتینە
کاری و ب رێکا وان پرۆژەیان هزار و 750 مێگاواتێن کارەبێ بۆ تۆرا کارەبا نشتیمانی
زێدە دبن.
ئەڤرۆ چارشەمبی، زیاد عەلی
فازل وەزیرێ کارەبا عێراقێ بۆ میدیایا فەرمیا حکومەتا عێراقێ راگەهاند، وەزارەتا
کارەبێ کار بۆ گەشەپێدانا سێ کەرتان دکەت ئەوژی ئاستێ بەرهەمئینان و ڤەگوهاستن و دابەشکرنا
کارەبێ ب یەکسانی، دبێژیت ژی، بزاڤێن وان بەردەوامن بۆ بلندکرنا کاراییا یەکەیێن بەرهەمئینانێ
و زێدەکرنا بەرهەمئینانا ئەنەرژیا رۆژێ و بەرفرەهکرنا هێلێن ڤەگوهاستن و ویستگەهێن
ڤەگوهاستن و دابەشکرنێ.
وەزیرێ کارەبێ ئەو یەکژی
بەرچاڤکر، پشتی تەمامکرنا کارێن وان پرۆژەیان رێژەیا بەرهەمئینانا کارەبێ بلند
دبیت و عێراقێ سالا دەربازبووی پێدڤی ب 48 هزار مێگاواتێن کارەبێ هەبوویە و شیانا
بەرهەمئینانا 27 هزار مێگاواتان هەبوو و پلان هەیە برێ بەرهەمئینانا کارەبێ زێدە
بکەت.